Taılandta tanymal meıramhananyń qyzmetkerleri qatelesip 200 000 battan astam aqsha (shamamen úsh mıllıon teńge) tólem jasaǵan klıentti izdep jatyr. Bul jaǵdaı Neua Luan Luan meıramhanasynda bolǵan, dep habarlaıdy aqshamnews.kz thethaiger.com-ǵa silteme jasap.
Meıramhana Facebook-te jarıalaǵan jazbasynda bylaı habarlandyrýdy jarıalady:
«Biz 3 qarasha kúni keshki 7:50-de Neua Luan Luan, Ratchaphruek fılıalynda tamaqtanǵan klıentti izdep jatyrmyz. Klıent qatelesip, shottyń naqty somasy 2,020.91 battyń ornyna 200,091 bat tóledi. Eger bul habarlamany kórip jatsańyz, bizge [email] nemese 095-527-8298 telefon nómiri arqyly habarlasyńyz. Rahmet!»
Bul habarlama kópshiliktiń nazaryn aýdaryp, kóptegen adamdar ony bólisip, klıentti tabýǵa kómektesti. Keıbir qoldanýshylar bul qatelikti adamnyń baılyǵynyń áserinen baıqamaı qalýy múmkin dep ázildesti.
Shottyń naqty somasy 2020,91 bat bolsa, klıent qatelesip 200,091 bat aýdarǵan. Qazir meıramhana qyzmetkerleri bul máseleni sheshý úshin bankten kómek suraýda.