Birikken kúres áleminiń (UWW) Qazaqstan UOK-ke joldaǵan resmı hatynda 57 keli salmaq dárejesinde baq synaıtyn qazaqstandyq balýannyń Olımpıada oıyndarynyń joldamasyna ıe bolǵany belgili boldy, dep habarlaıdy almaty-akshamy.kz.
Esterińizde bolsa Álem Chempıonatynda Olımpıada lısenzıasy úshin Meırambek Qartbaı Tokıo Olımpıadasynyń jeńimpazy Zaýr Ýgýevpen kúresip jeńilgen edi. Reseı balýandary Olımpıadadan bas tartqan soń, joldamalar qaıta úlestirildi. Osylaısha, qazaqstandyq Meırambek Qartbaı Olımpıada joldamasyna ıe boldy.
Aıta ketelik, Meırambek Qartbaı 2023 jylǵy álem chempıonatynda besinshi oryn aldy. Kúres túrlerinen Qazaqstan quramasy segiz salmaq dárejesinde baq synaıdy: Meırambek Qartbaı (57 keli), Azamat Dáýletbekov (86 keli), Álisher Erǵalı (97 keli) jáne Iýsýp Batyrmurzaev (125 keli).
Dál qazir Qazaqstan qorjynynda Parıj Olımpıadasyna 25 sport túrinen 91 lısenzıa bar. Parıjde ótetin jazǵy Olımpıada oıyndary 26 shildeden bastalady.