Kásipqoı boksshy Meıirim Nursultanov Ózbekstannyń Tashkent qalasynda Chılı eliniń bylǵary qolǵap sheberi Hýlıo Alamosqa qarsy jekpe-jekke shyǵady.
Rásimde Meıirim Nursultanovtyń salmaǵy orta salmaq sanatynyń lımıtinen aspaı, tarazy 72,5 kelini kórsetti. Onyń qarsylasynyń salmaǵy 72,3 keli boldy. Osy jede qazaq boksshysyn qoldaýǵa Ózbekstannyń asa aýyr salmaqtaǵy kásipqoı boksshysy Bahodır Jalolov bardy.
Jalolov 2020 jyly Tokıoda ótken Olımpıadalyq oıyndardyń chempıony atanǵan. 2017, 2019, 2021 jyldary Azıa chempıony bolǵan. 2019, 2023 jyldary álem chempıony bolyp, 2022 jyly Azıa oıyndaryn jeńip alǵan. Ol da búgin sharshy alańǵa shyǵyp, ońtústikafrıkalyq Krıs Tompsonmen judyryqtasady.
Osydan birneshe ýaqyt buryn Jalolov 2024 jylǵy Parıj Olımpıadasynan keıin qaıtyp kásipqoı boksqa aýysatynyn aıyp, Olımpıada chempıony atanǵannan keıin Aleksandr Ýsık, Taıson Fúrı, Entonı Djoshýa sekildi kásipqoı bokstaǵy álem chempıondarymen qolǵap túısirgisi keletinin málimdegen edi.
Boksshylar salmaq ólshegennen keıin dástúrli túrde kóz arbasý rásimin de ótkizdi.
Jekpe-jek búgin Tashkentte bolady. Statýsy – WBC jelisi boıynsha irikteý kezdesý.
Meıirim Nursultanov – Dúnıejúzilik boks uıymynyń (WBO) tujyrymy boıynsha bıylǵy orta salmaqtaǵy úzdik boksshy.