Almatyda «Aıala áleýmettik qyzmetter ortalyǵy» múmkindigi shekteýli balalar ústel tenısinen týrnırde jeńiske jetti
Ústel tenısinen «Speshıal Olımpıks» qalalyq týrnırinde «Aıala áleýmettik qyzmetter ortalyǵynyń» múmkindigi shekteýli jas sportshylary júldeli oryndarǵa ıe boldy. Olardyń ishinde: Samohvalov Moıseı, Kısamedın Dana jáne Tolstýhın Zahar.
Bul ortalyq Almaty qalasy Jumyspen qamtý jáne áleýmettik baǵdarlamalar basqarmasynyń vedomstvosynda ornalasqan, kúndizgi jáne úıde arnaıy áleýmettik qyzmetter kórsetedi. Qyzmet kórsetilgen 240 adamnyń ishinde múgedektigi bar balalar (psıhonevrologıalyq patologıalar jáne tirek-qımyl apparatynyń 1,5 jastan 18 jasqa deıingi buzylystary), sonymen qatar, psıhonevrologıalyq aýrýlary bar kámeletke tolǵan azamattar bar. Olardy sportqa tartý, áleýmettenýge jáne qoǵamǵa beıimdeýge kómektesý jáne osyndaı jarystar ótkiziledi. Bul «Aıala áleýmettik qyzmetter ortalyǵy» KMM, Almaty qalasy Jumyspen qamtý jáne áleýmettik baǵdarlamalar basqarmasy men aqyl-esi kem adamdarǵa arnalǵan sport uıymy – «Speshıal Olımpıks Qazaqstan» QB arasyndaǵy ózara yntymaqtastyq týraly memorandým negizinde qolǵa alynǵan.
«Speshıal Olımpıks» týrnırine 6 komanda qatysty. «Aıala» ortalyǵynyń komandasynan basqa, zıatkerlik damý kemistigi bar balalarǵa arnalǵan №7 túzetý mektep-ınternatynyń 3 komandasy jáne «Alataý» ortalyǵy men «Senim» ortalyǵynyń komandalary boldy. Qatysýshylardyń jasy 14 pen 35 jas aralyǵy.
Ortalyq dırektory Nurǵaıym Dúısenbaevanyń aıtýynsha, sport-densaýlyqty nyǵaıtý, deneniń fızıkalyq jaǵdaıyn jaqsartý, sonymen qatar kóptegen qyzmet alýshylardyń psıhıkalyq densaýlyǵyn jaqsartý.
«Jarysqa qatysý mazasyzdyqtyń azaıýyna oń áser etedi, sonymen qatar qalypty turaqty jattyǵýlar konsentrasıany jaqsartady. Qan aınalymynyń jaqsarýy mıdyń jumysyna jaqsy áser etedi. Komandalyq oıyndarǵa qatysý arqyly bala kúndelikti ómirde mańyzdy, sonymen qatar densaýlyq pen psıhologıalyq jaǵdaıǵa jaǵymdy áser etetin daǵdylarǵa ıe bolady. Sport kezinde balalarda bulshyqetter kúsheıip, býyndar men sińirler qataıady. Mundaı jarystar balalarǵa empatıa qabiletin damytýǵa, qarsylastaryna qurmetpen qaraýǵa kómektesedi. Balalar komandada jumys isteýdi, tabandy jáne jigerli bolýdy úırenedi. Jarystardaǵy qoıylymdar zeıindi arttyryp, qobaljýdy jeńýge kómektesedi. Shyn máninde, fızıkalyq belsendilik kognıtıvti ónimdilikti jaqsartady, kóptegen aýrýdyń qaýpin azaıtady, uıqy men kóńil-kúıdi jaqsartady jáne ózin-ózi baǵalaýdy arttyrady», - dedi ol.
Ortalyq tárbıelenýshileri júzý, boýlıń jarystaryna respýblıka boıynsha túrli qalalarǵa birneshe ret barǵanyn atap ótti. Mysaly, jazda Aqtóbe qalasyna júzýden jarysqa, sondaı-aq Shymkentke boýlıńten jarysqa baryp, eki ret júldeli oryndarǵa ıe boldy.
«Jaqynda olar Respýblıka kúnine arnalǵan Almaty qalasy sport basqarmasynyń «Múmkindigi shekteýli jandarǵa arnalǵan» Almaty sport klýbynyń júzý boıynsha qalalyq týrnırine qatysty. Sondaı-aq, badmıntonnan qalalyq týrnırlerge jáne senicup shaǵyn fýtboldan halyqaralyq týrnırge birneshe ret qatysty»,-dedi Nurǵaıym Dúısenbaeva.
2011 jyldan beri ortalyqqa kelgen jarysqa qatysýshylardyń biri Andreı Snegırevtiń aıtýynsha, kez kelgen áreket senimdilik pen batyldyq beredi.
«Eger árkim dene shynyqtyrýmen aınalyssa, qandaı da bir sportpen shuǵyldansa, onda bárimiz jetistikke jetemiz. Eger siz ózińizdi sportta tapsańyz, jarystarǵa qatyssańyz, onda ómirde bári ońaıyraq bolady. Biraq nátıje týraly alańdaýdyń qajeti joq. Men úshin eń bastysy – qatysý», - dedi ol.
Aıta ketý kerek, múmkindigi shekteýli balalardy sporttyq ómirge kóbirek baýlý úshin búgingi tańda «Aıala áleýmettik qyzmetter ortalyǵy» «sporttaǵy daryndy balalarǵa arnalǵan mamandandyrylǵan mektep-ınternat-kolledjimen» yntymaqtastyq týraly Memorandýmǵa qol qoıdy. Onyń bazasynda ortalyqtyń balalary muz aıdyny men fýtbol alańyna barady, onda apta saıyn 2 saǵat jattyǵady.