Qazaqstan Respýblıkasy Prezıdenti Qasym-Jomart Toqaevtyń 2022 jyly Almaty qalasynyń ákimdigine qoıǵan basty tapsyrmalardyń biri - «qańtar» oqıǵalary barysynda qıraǵan qalanyń ınfraqurylymy men iskerlikti qalpyna keltirý bolatyn.
Osyǵan oraı, Almaty qalasynyń ákimdigi kelesi sharalardy qabyldady:
- Zardap shekken 1 640 kásiporynǵa 16,2 mlrd. teńge zalal óteldi, onyń 95% qysqa merzimde tólemder aldy.
- Barlyq jeke tulǵalarǵa 615,3 mln. teńgege múliktik zalal óteldi.
Almaty turǵyndarynyń qaýipsizdigi úshin 2022 jyly qosymsha 16,8. teńge bólindi. Qarjy Polısıa departamentiniń kólik quraldary men 3050 kamerany qalpyna keltirýge, qarjylaı ótemaqy tóleýge jáne arnaıy tehnıka, jabdyqtar satyp alýǵa jumsaldy.
2022 jyly Almatynyń ekonomıkalyq ósýi 5,1% deńgeıinde boldy. Óńdeý ónerkásibi ekonomıkanyń ósýiniń draıveri boldy. Ósim 13% qurady. Qabyldanǵan sharalar megapolıs ekonomıkasyndaǵy shaǵyn jáne orta bıznestiń úlesin 57,8% deıin arttyrýǵa múmkindik berdi.
Almaty – memlekettik búdjet kirisiniń tórtten bir bóligin qamtamasyz etetin donor. 2022 jyldyń qorytyndysy boıynsha Almatynyń úlesi 26,2% qurady.
2022 jyly respýblıkalyq búdjetke 2 trln. 961,7 mlrd. teńge túsim jiberildi. Ótken jylmen salystyrǵanda ósim 41,9% qurady.
Jergilikti búdjetke 1 trln. 175,2 mlrd. teńge tústi, bul 2021 jylǵa qaraǵanda 42% artyq. Túsimderdiń ósýi barlyq búdjettik mindetterdiń oryndalýyn qamtamasyz etti.
2022 jyly ıgerilmeý
29,7 mlrd. teńgeni qurady. Alaıda, 7,1 mlrd. teńge – 2023 jyly qaıta paıdalanýǵa ruqsat etilgen Ulttyq qordyń qarajaty, 5,8 mlrd. teńge – únemdeý jáne 1,7 mlrd. teńge – jergilikti atqarýshy organ rezerviniń qaldyǵy.
Osylaısha, merdigerlerdiń jaýapsyzdyǵyna, uzaq konkýrstyq rásimderge jáne basqa da jaǵdaılarǵa baılanysty 15,1 mlrd. teńge ıgerilmeı qaldy.
2022 jyly «Almaty qalasynyń erekshe mártebesi týraly» Zańyna ózgerister engizildi. Qalanyń ereksheligin eskere otyryp megapolıs máselelerin sheshýdiń jańa tásilderi anyqtaldy.
Ózgerister Qala qurylysy keńesin qurýǵa, Jyljymaıtyn múlikti resimdeý jónindegi komısıany qurýǵa, Jasyl jelekterdi kútip ustaý jáne qorǵaý qaǵıdalaryn bekitýge, Almatynyń Dızaın kodyn ázirleýge jáne basqalaryn bekitýge múmkindik berdi.
Almaty turǵyndarynyń ómir súrý sapasyn jaqsartý, áleýmettik, ınjenerlik jáne kólik ınfraqurylymdarynyń júıeli máselelerin sheshý úshin 2022 jyldyń qyrkúıek aıynda máslıhat «Almaty qalasyn damytýdyń 2025 jylǵa deıingi baǵdarlamasy jáne 2030 jylǵa deıingi orta merzimdi perspektıvalaryn» bekitti.
Damý baǵdarlamasyn is júzinde iske asyrý maqsatynda Almaty qalasy ákimdiginiń 2022 jylǵy 15 jeltoqsandaǵy qaýlysymen Jol kartalary bekitildi.
Qajetti qarajat Máslıhattyń 2022 jylǵy 9 jeltoqsandaǵy sheshimimen bekitilgen Almaty qalasynyń 2023-2025 jyldarǵa arnalǵan búdjetinde kózdelgen.