«Áleýmettik medısınalyq saqtandyrý qorynyń kútpegen shyǵystardy jabýǵa arnalǵan rezerviniń mólsherin belgileý týraly» Densaýlyq saqtaý mınıstriniń buıryǵy kópshilik talqylaýǵa shyǵaryldy, dep habarlaıdy Almaty-akshamy.kz QazAqparatqa silteme jasap.
«2015 jylǵy 16 qarashadaǵy «Mindetti áleýmettik medısınalyq saqtandyrý týraly» Qazaqstan Respýblıkasynyń Zańynyń 11-babynyń 10-2 tarmaqshasyna sáıkes buıyramyn:
1. Áleýmettik medısınalyq saqtandyrý qorynyń kútpegen shyǵystardy jabýǵa arnalǵan rezerviniń mólsheri qorǵa aýdarymdar kóleminiń 3 paıyz mólsherinde belgilensin», - delingen «Ashyq» NQA portalynda jarıalanǵan qujatta.
Málim bolǵandaı, buıryqtyń oryndalýyn baqylaý Densaýlyq saqtaý vıse-mınıstrine júkteledi.
Buıryq jobasy 18 sáýirge deıin ashyq talqylaýda bolady.