Almatyda ótken túnde «Jetisý» bazary aýmaǵynda jolaýshylar avtobýsy órtendi.
Vıdeo áleýmettik jelide tarady, dep habarlaıdy Almaty-akshamy.kz QazAqparatqa silteme jasap.
Almaty qalalyq Tótenshe jaǵdaılar departamentiniń málimetinshe, 3 sáýirde túngi saǵat 23:10-da Túrksib aýdany, «Qaırat«shaǵynaýdany, 181/2 mekenjaıyndaǵy úıdiń mańynda 125-shi baǵytta qatynaıtyn «Lıaz-529265» markaly avtobýs órtendi.
«Órt sóndirýshilerdiń alǵashqy bólimsheleri saǵat 23:16-da jetti. Jalyndy sóndirýge jáne avtobýs konstrýksıasyn salqyndatý úshin dereý kóbigi bar oqpandar berildi. Qabyldanǵan sharalardyń arqasynda órttiń taraýy saǵat 23:19-da toqtatylyp, saǵat 23:22-de tolyq aýyzdyqtaldy. Oqıǵa sebebi anyqtalýda«, - dep habarlady TJD baspasóz qyzmetinen.
Qalalyq TJD kólik quraldary tez órtenetinin, nebary 2-3 mınýt ishinde ony tolyq joıyp jiberetinin eske salady. Sol sebepti kólikte órttiń alǵashqy belgileri paıda bolǵan kezde jolaýshylar esikterden nemese qosalqy shyǵatyn jerlerden dereý shyǵyp ketýi qajet.