Buqaralyq aqparat quraldary nysandaryn antıterrorıstik turǵydan qorǵaý – terorızm qaýpi tóngen jaǵdaıda mańyzdy mindetterdiń biri bolyp sanalady.
Sebebi, BAQ nysandary – qylmyskerler úshin eń osal jáne strategıalyq mańyzy bar oryndar. Ásirese tele- jáne radıohabar taratý stansıalary tótenshe jaǵdaılar kezinde aqparat taratýdyń basty kózi bolyp tabylady. Mundaı nysandarǵa baqylaý ornatý arqyly qaskóıler jalǵan aqparat taratyp, halyq arasynda dúrbeleń týǵyzýǵa áreket etýi múmkin.
Osyǵan baılanysty, shtattan tys jaǵdaı týyndaǵan kezde qyzmetkerlerdiń alǵashqy is-qımyl algorıtmderin bilýi – nysannyń qaýipsizdigin qamtamasyz etýdegi basty sharttardyń biri. Terorızm qaýpi tóngen sátte qyzmetkerler tez ári saýatty áreket etýge daıyn bolýy tıis. Evakýasıa erejelerin meńgerý men shuǵyl qyzmettermen durys baılanys ornatý – tek adam ómirin aman saqtap qalýǵa ǵana emes, sonymen qatar materıaldyq shyǵyndy azaıtýǵa da septigin tıgizedi.
Krızıstik jaǵdaılarda alǵashqy is-áreketterdi meńgerý uıym ishindegi qaýipsizdik mádenıetin qalyptastyrýǵa úles qosady. Bul – qaýiptiń aldyn alý men onyń saldaryn azaıtýdyń mańyzdy tetigi.