Bıyl 1 jeltoqsannan bastap Medeý-SHymbulaq jolynda apattyq-qalpyna keltirý jumystaryn júrgizýge baılanysty jabylǵan jolmen avtokólikter men jaıaý týrıserdiń kirýine jeksenbi kúnderi jol ashylady, dep habarlaıdy almaty-akshamy.kz
Bul kúnderi jumys júrgizilmeıdi, jaıaý júrginshiler men avtokólik júrgizýshileriniń ómirine qaýip tónbeıdi.
Qalǵan kúnderi ótkizý rejımi burynǵy kestege sáıkes jumys isteıdi: 09: 00-ge deıin jáne 18.00-den keıin elektromobılder men taksı júrgizýshilerine kirýge ruqsat. 13:00-den 14:00-ge deıingi kezeńde tehnıkalyq qyzmetterdiń arnaıy kóligi ǵana kire alady. Al jaıaý júrginshilerge jol boıymen júrýge qatań tyıym salynady. Jaıaý júrginshiler stýdenttik soqpaq arqyly júre alady.
Esterińizge sala keteıik, "Mohnatka" jáne "Gorelnık" taýlarynyń baýraıynda qulaǵan tastyń saldaryn joıý boıynsha jumystar júrgizilýde. 25 qazannan bastap osy kúnge deıin eńisti tazartý (tazartý) jumystary 80% oryndaldy. Sondaı-aq, burǵylaý qondyrǵylaryn qoldana otyryp, eńisti nyǵaıtý jáne nóser júıesiniń qurylysy júrgizilýde. Keshendi jumystar qys boıy jalǵasady jáne 2024 jyldyń kúzinde aıaqtalady.