Elimizdiń júrgizýshileri men taksoparkteri bıyl Iandeks tapsyrysynan 400 mlrd teńgeden astam paıda tapty.
Anyǵynda, qańtar-qarashada júrgizýshi-seriktester men taksoparkter servısine qosylǵandardyń jınaq tabysy 400 mlrd teńgeden asqan. Bul ótken jyldyń 11 aıyndaǵy kórsetkishpen salystyrǵanda, bir jarym ese artyq, dep habarlaıdy almaty-akshamy.kz @Financekaz-ge silteme jasap.
Bul soma júrgizýshiler men taksoparkterdiń elimizdiń 20 qalasyna jasaǵan saparynyń nátıjesi, onda da motıvasıalyq baǵdarlama men servısten komısıany alyp tastaǵandaǵy kórsetkish. Osy jyly qazanda servıstiń tapsyrysyn 200 myńnan asa júrgizýshi oryndaǵan. Bul byltyrǵydan tórt ese kóp. Bir qyzyǵy, tasymal júrgizýshilerdiń basym bóliginiń negizgi jumysy emes, qosymsha tabys kózi. Jolaýshy tasymaly júrgizýshilerdiń tórtten biriniń ǵana negizgi tabysy sanalady.
Sarapshylardyń pikirinshe, taksısterdiń tabysy eldegi medıandyq jalaqy mólsherinen eki ese artqan. Agregator arqyly tapsyrys qabyldaǵan júrgizýshilerdiń tabysy aıyna 493 myń teńge bolǵanyn Urban Forum jazdy. Sóıtip ne kerek, Iandeks osy kúni erlep tur. Aıtpaqshy, bul kompanıa Reseıden ketip, Qazaqstanǵa keledi degen qaýeset bar.