Almatyda «Medeý-SHymbulaq» jolynyń ótkizý rejımi bekitilip, jaıaý júrginshiler men avtomobıl qozǵalysy áli de shekteledi, dep habarlaıdy Almaty-akshamy.kz
Aǵymdaǵy jyldyń 25 qazanynan bastap «Medeý-SHymbulaq» jolynda osy kóktemde qulaǵan tastardyń zardaptaryn joıý jumystary júrgizilgen bolatyn. Osyǵan baılanysty «Medeý-SHymbulaq» avtojolynda ótkizý rejımi bekitilgen edi. *Jaıaý júrginshilerge joldan ótýge qatań tyıym salynady. Sonymen qatar, stýdenttik soqpaq arqyly jaıaý serýendeýge bolady.
Elektromobıl jáne taksı júrgizýshilerine saǵat 09:00-ge deıin jáne saǵat 18:00-den keıin kirýge ruqsat etiledi. 13:00-den 14:00-ge deıingi kezeńde tek tehnıkalyq qyzmetterdiń arnaıy kóligine kirýge ruqsat etiledi. Qozǵalysty shekteýdiń belgilengen kestesi aǵymdaǵy jyldyń 1 jeltoqsanyna deıin jalǵasady. Onyń ózgergeni týraly qosymsha habarlanady.
Joba aıasynda tastardy túsirý jáne kedergilerdi tazartý jumystary júrgizilýde. Jumystyń negizgi túrleri (betkeılerdi burǵylaý jáne nyǵaıtý) kelesi jylǵa josparlanǵan.
Budan basqa, 2024 jyldyń kókteminde nóser júıesin salý jáne jol tósemin jóndeý jumystaryn júrgizý josparlanýda.
Barlyq týrıser men turǵyndardan ótýge bolatyn joldarda abaı bolýdy suraımyz