Bıylǵy jyly «Medeý» taýly muz aıdyny maýsymdy ádettegiden on kún ótken soń, ıaǵnı 25-shi naýryzda aıaqtaıdy. Jappaı syrǵanaýdy uzartý týraly sheshim Naýryzdy merekeleý qurmetine jáne almatylyqtardyń muzda syrǵanaýǵa degen erekshe súıispenshiligin eskere otyryp qabyldandy, dep habarlaıdy aqshamnews.kz
«Medeý» - bul jaı ǵana muz aıdyny emes, qalanyń myńdaǵan turǵyndary men qonaqtary qysqy keshterdi ótkizetin, kónkımen syrǵanaýmen alǵashqy qadamdaryn jasaıtyn, dostarymen kezdesip, taýlarmen qorshalǵan erekshe atmosferany tamashalaıtyn oryn.
Ádette maýsym aldyńǵy jyldardaǵydaı 15 naýryzda aıaqtaldy. Bıylǵy jyly mereke kúnderi men joǵary suranystyń arqasynda muz aıdyny taǵy on kúnge uzaǵyraq jumys isteıdi.
Kóktemgi jylynýdyń bastalýyna jáne muzdyń sapasyna áser etetin kún qyzýynyń joǵarylaýyna baılanysty jappaı syrǵanaý tek keshki ýaqytta júzege asyrylady:
Jumys kestesi:
📌 Jumys kúnderi-17:00-den 20:00-ge deıin
📌 Demalys jáne mereke kúnderi – 17:00-den 20:00-ge deıin jáne 21:00-den 24:00-ge deıin
Almatynyń turǵyndary men qonaqtary maýsymnyń sońǵy kúnderin tamashalaýǵa jáne «Medeýge» umytylmas syrǵanaý keshterin ótkizýge shaqyrylady.