Medeýdegi ICE Party: Almatynyń 1000-nan astam jastary Stýdentter kúnin atap ótti, dep habarlaıdy aqshamnews.kz
17 qarasha Medeý muz aıdynynda Halyqaralyq stýdentter kúnine arnalǵan ICE Party ótti. Almaty qalasy Jastar saıasaty basqarmasynyń qoldaýymen uıymdastyrylǵan bul is-shara «Almaty Student’s Week» aptalyǵy aıasynda ótip, qaladaǵy 1000-nan astam joǵary oqý ornynyń stýdentterin biriktirdi.
Merekelik keshte stýdentter úshin muz ústinde qyzyqty konkýrstar, ınteraktıvti oıyndar jáne fleshmob uıymdastyryldy. Shara barysynda jas ónerpazdar óner kórsetip, kórermenderge erekshe kóńil-kúı syılady. Sonymen qatar, uıymdastyrýshylar stýdentterge tegin ystyq sháı men tiskebasarlar taratty.
"Stýdenttik ómir – bul batyl sheshimder men jańa múmkindikter kezeńi. Mundaı is-sharalar stýdentterdiń birligin nyǵaıtyp, ortany keneıtýge kómektesedi. Almaty jastarynyń qala ómirine belsendi atsalysyp jatqany qýantady, biz olardy árdaıym qoldaýǵa daıynbyz. Barsha Almaty qalasy stýdentterin merekelerimen shyn júrekten quttyqtaımyn", - dedi Almaty qalasy Jastar saıasaty basqarmasynyń basshysy Azız Kajdenbek.
Aıta keteıik, «Almaty Student’s Week» aptalyǵy aıasynda qalamyzda 30 túrli formattaǵy is-sharalar ótti.