Óńirlik komýnıkasıalar qyzmetinde ótken baspasóz konferensıasynda Almaty qalasy Medeý aýdanynyń ákimi Áset Masabaev almatylyqtardyń qalypty ómirge qaıta oralýy koronavırýsqa qarsy ujymdyq ımýnıtettiń qalyptasý jyldamdyǵyna baılanysty ekenin aıtty, dep habarlaıdy almaty-akshamy.kz
Ol megapolıs turǵyndaryn koronavırýsqa qarsy vaksınany keshiktirmeı alýǵa shaqyrdy. Ákim búginde aýdanda tegin vaksına alýǵa barlyq jaǵdaı jasalǵanyn atap ótti. Kez kelgen adam qalanyń 200-den astam ekpe pýnktiniń birine júgine alady, onyń 23-i Medeý aýdanynyń aýmaǵynda ornalasqan.
Siz ekpe pýnktterin 12 jerden taba alasyz:
№1 BP – 3 pýnkt, Gogol kóshesi, 53;
№2 – 2 pýnkt, Shýhov kóshesi, 37 B;
№5 BP– 6 pýnkt, Dostyq dańǵyly, 220;
Alataý qalalyq aýrýhanasy, Jetbaev kóshesi, 28;
Keńsaı shaǵynaýdanyndaǵy FAP, Sársenbaev kóshesi, 55 A;
"Dýman" dárigerlik ambýlatorıasy, Táýelsizdikke 10 jyl kóshesi, 42;
Medeý aýdanynyń BMSK ortalyǵy, Qaldaıaqov kóshesi, 74;
Respýblıka saraıy-2 pýnkt, Dostyq dańǵyly, 56;
"GÝM" SÚ, Qonaev kóshesi, 21;
"Jasyl bazar" – 2 pýnkt, Jibek joly dańǵyly, 53;
"Alma" SÚ, Jibek Joly dańǵyly, 55;
"Dostyk plaza" SOSO-2 pýnkt, Samal-2 shaǵynmaýdany, 111;
Koronavırýsqa qarsy ekpe naýqanyna 115 medısına qyzmetkerinen turatyn 23 brıgada jumyldyryldy.
Áset Masabaevtyń aıtýynsha, halyq sanıtarlyq-epıdemıologıalyq talaptardy muqıat saqtap, vaksınaǵa barýy, sondaı-aq betperde taǵýdy jalǵastyrýy, áleýmettik qashyqtyqty saqtaýy, adam kóp jınalatyn oryndarǵa barýdan bas tartýy tıis.
İndet kezinen bastap Medeý aýdanynda aýrýdyń 6 060 nysany anyqtaldy. Sondyqtan barynsha saq bolý kerek, al qaýipti indetten qorǵanýdyń jalǵyz joly – vaksına alý.
Jalpy, aýdan boıynsha 111 529 turǵyndy vaksınamen qamtý josparlanýda, bul almatylyqtardyń 70% quraıdy. 1 aqpan men 29 shilde aralyǵynda 82 388 adam ekpe aldy.
Áset Masabaev Medeý aýdanynyń turǵyndaryn COVID-19 vaksınasyn alýdy jalǵastyrýǵa shaqyrdy.
"Vaksınadan ótpegen qala turǵyndary qaýipti. Búginde 4 myńnan astam almatylyq kovıdtik stasıonarlarda emdelýde. Eger biz ólim-jitimdi azaıtyp, ádettegi ómir yrǵaǵyna oralǵymyz kelse, múmkindiginshe kóp adam ekpe alýy kerek", – dedi aýdan ákimi.
Aıta ketsek, sáýir aıynda Medeý aýdanynyń ákimi Áset Masabaev KVI-ge qarsy ekpe aldy. Sondaı-aq jaqyn týystary da vaksına aldy.