Qazaqstanda halyq sanaǵynyń bastalýyna bir aıdan astam ýaqyt qaldy. Almatynyń Medeý aýdanynda daıyndyq jumystary qalaı júrip jatqany týraly Óńirlik komýnıkasıalar qyzmetinde ótken baspasóz konferensıasynda aýdan ákimi Áset Masabaev aıtyp berdi, dep habarlaıdy almaty-akshamy.kz
"Halyq sanaǵyna daıyndyq jospar boıynsha júrgizilýde. Aýdanda sanaqtyń birinshi kezeńin ótkizý úshin bes ýákiletti ýchaske quryldy. Sanaq qyzmetkerleri iriktelip, olarmen eńbek sharttary jasaldy. Barlyǵy stýdent jastardan, sondaı-aq jumys tájirıbesi bar nusqaýshylardan 86 adam qatysady. Olardyń barlyǵy oqýdan ótti", – dedi aýdan ákimi.
Úılerdiń tizimi daıyndalyp, sanaqty ótkizýdiń jospary jasaldy. Kóshelerdiń ataýy men úılerdiń nómirleri kórsetilgen 6 myńnan astam anshlag ornatý boıynsha jumystar júrgizilýde.
Eske salsaq, aldaǵy halyq sanaǵy sıfrlyq tehnologıalardy qoldaný arqyly ótedi, bul óte yńǵaıly. Basty jańalyq halyqtyń sanaq paraqtaryn elektrondyq nysanda óz betinshe toltyrý múmkindigi bolady. Jalpyulttyq sanaq 1 qyrkúıekten 30 qazanǵa deıin ótedi.