Almaty qalasy Medeý aýdanynyń ákimi Áset Masabaev Óńirlik komýnıkasıalar qyzmetinde ótken brıfıńte aýdannyń jalpy bilim berý, mektepke deıingi jáne medısınalyq mekemelerdi rekonstrýksıalaý týraly aıtty, dep habarlaıdy almaty-akshamy.kz
Medeý aýdanynda 29 102 oqýshyǵa bilim beretin barlyǵy 28 memlekettik mektep bar. Oqýshy ornynyń tapshylyǵy 4 561-di quraıdy.
Aýdan ákimi Á. Masabaev oqý jylynyń basynda Alataý shaǵynaýdanyndaǵy №7 mektepti seısmıkalyq nyǵaıtý men ondaǵy kúrdeli jóndeý jumystary aıaqtalatynyn habarlady.
Sondaı-aq Medeý aýdany ákiminiń aıtýynsha, №48 mektep ǵımaratynyń tozýyna baılanysty 300 oryndyq qosymsha ǵımaratqa kúrdeli jóndeý jumystary bastaldy. Jobany iske asyrý merzimi – 2022 jyl.
Á. Masabaev Alataý shaǵynaýdanynda jergilikti turǵyndarǵa qajetti dene shynyqtyrý-saýyqtyrý kesheniniń qurylysy júrgizilip jatqanyn aıtty. Josparda ámbebap zal qarastyrylǵan, ıaǵnı bes jolaǵy bar júzý baseıni, balalar baseıni, trenajer zaly, tenıs ústelderi bar. Aıaqtalý merzimi - 2022 jyldyń qańtar aıy.
Aýdan ákimi mektepke deıingi bilim berý uıymdary týraly da tilge tıek etti. Medeý aýdanynda 18 balabaqsha, 63 jekemenshik balabaqsha men 23 shaǵyn ortalyq jumys isteıdi. Tárbıeshilerdiń jalpy sany - 7 833 bala (memlekettik – 3 146, jeke – 4 687).
"Bıyl jeke ınvestorlar esebinen jalpy jobalyq qýaty 300 oryndyq alty balabaqsha ashyldy. Taǵy da №114, 116, 141 úsh memlekettik balabaqshada qoldanystaǵy ǵımaratqa japsarjaı jáne qosymsha qurylys esebinen árbir balabaqshada jobalyq qýattylyqty 50 orynǵa ulǵaıta otyryp, kúrdeli jóndeý jumystary jalǵasýda. №141 balabaqsha qyrkúıek aıynda ashylady. N114 pen N116 balabaqshalardyń qurylysyn aıaqtaý merzimi bıylǵy jyldyń jeltoqsan aıyna josparlanǵan", – dedi Áset Masabaev.
Aýdan ákimi BAQ ókilderin aýdannyń densaýlyq saqtaý júıesi týraly habardar etti. Búginde "Shetsiz qala – shekarasyz medısına" jobasy aıasynda Dýman, Sulýsaı, Keńsaı, Kólsaı jáne Kamenskoe plato shaǵynaýdandarynda bes dárigerlik ambýlatorıa jumys isteıdi. Aýdanda barlyǵy 37 densaýlyq saqtaý nysany bar.
"Keńsaı shaǵynaýdanynda jańa dárigerlik ambýlatorıa ashý jumystary júrgizilýde. Shoqaı kóshesindegi jalpy aýdany 166,8 sh.m oryndy qarastyrdyq. Sondaı-aq munda ýchaskelik polısıa pýnktin ornalastyrý josparlanýda. Bul jobany iske asyrý Kensaı eldi mekeniniń ǵana emes, Sulýsaı shaǵynaýdanynyń turǵyndaryn da qamtýǵa múmkindik beredi. Aıaqtalý merzimi jyl sońyna deıin", – dep qorytyndylady sózin Áset Masabaev.