Bıyl III toqsanda Almatydaǵy «Dýman» shaǵyn aýdanynda 5,5 km sý qubyry men 8,5 km káriz jelisi salynady.
Bul týraly ákim Erbolat Dosaev halyqpen kezdesýde aıtty, dep habarlaıdy Almaty-akshamy.kz7
Sáýir aıynda jalpy uzyndyǵy 46 km sý qubyry jáne káriz jelisiniń qurylysy bastaldy. «Kólsaı», «Keńsaı» shaǵyn aýdandarynda jáne Halıýllın kóshesindegi jumystardy aıaqtaý qazan aıyna josparlanǵan. Al «Kompot» shaǵyn aýdanynda jumystar bıyl shildede bastalyp, 2024 jyldyń shildesinde aıaqtalady.
«Alataý», «Atyraý» shaǵyn aýdandary men 32 kóshe boıynsha (Shyǵys aınalma avtojoly, Halıýllın, Taıyrov, Shaqshaq Jánibek bóliginde) sýmen qamtý jáne káriz jelilerin salý úshin jobalaý-smetalyq qujattama ázirleýge baıqaý jarıalandy. Jobalaý-smetalyq qujattamany aıaqtaý jeltoqsan aıyna josparlanǵan», - dedi ákim.
Sonyń nátıjesinde 2025 jyldyń sońyna deıin 55 myń turǵyn sapaly sýmen jáne káriz jelisimen qamtamasyz etiledi.