Almatyda abattandyrýǵa degen kózqaras ózgerdi. Óıtkeni sońǵy jyldary "Búdjetke qatysý" baǵdarlamasy jumys isteıdi. Sonyń arqasynda qala turǵyndary megapolıstiń syrtqy kelbetin ózgertýge qabiletti qandaı da bir jobany iske asyrýǵa daýys bere alady. Medeý aýdanynyń ákimi Áset Masabaev Óńirlik komýnıkasıalar qyzmetinde ótken baspasóz konferensıasy barysynda 2021 jyldyń sońyna deıin júzege asyrylatyn jobalardy atady, dep habarlaıdy almaty-akshamy.kz
"Búdjetke qatysý" baǵdarlamasynyń arqasynda biz azamattardyń aýlalardy, sport alańdary men basqa da ınfraqurylymdy abattandyrý máseleleri boıynsha naqty qajettilikterin óteı aldyq", – dedi Áset Masabaev.
Bıyl "Búdjetke qatysý" baǵdarlamasy aıasynda 20-ǵa jýyq jobany iske asyrý josparlanýda. Olardyń ishinde:
Nazarbaev dańǵyly, 176, 264 mekenjaıy boıynsha 6 konteınerlik alańǵa aýystyrý. Dostyq dańǵyly, 95, 109, 111; Samal-1, Samal-2; Samal-3 shaǵynaýdandary; Elebekov k-si, 29, Abdýllınder k-si, 49; 28 Gvardıashyl panfılovshylar atyndaǵy saıabaq; Núsipbekov k-si, 19, Pýshkın k-si, 3;
Bıyl Maqataev pen Mámetova kósheleriniń arasyndaǵy Tólebaev kóshesindegi jaıaý júrginshiler aımaǵyndaǵy jóndeý jumystarynyń 80% aıaqtaldy;
Abylǵazy ózeni arqyly ótetin jaıaý júrginshiler kópiri men pandýstary bar baspaldaqtardy jóndeý jumystary 80%-ǵa aıaqtaldy;
Ibragımov kóshesi Alataý yqshamaýdany boıynsha serýendeý aımaǵynda osy jylǵy jóndeý jumystary 70%-ǵa aıaqtaldy;
Shoqaı kóshesindegi trotýardyń bıylǵy jóndeý jumystary 40%-ǵa aıaqtaldy;
"Kompas" AJS-nan Qumaı kóshesi men Shoqaı kóshesine deıin SHAAJ boıynsha jaıaý júrginshiler jolyn jóndeý jumystary aıaqtaldy.
Bıyl Alataý shaǵyn aýdanyndaǵy Ardagerler aleıasyn jóndeý jumystary 70%-ǵa aıaqtaldy;
Qarasaı batyr kóshesi boıyndaǵy Qaldaıaqov kóshesinen Zenkov kóshesine deıingi Medısına qyzmetkerleri aleıasynyń bıylǵy jóndeý jumystary 60%-ǵa aıaqtaldy;
Lýganskıı kóshesindegi 70 jáne 80 úıler arasyndaǵy skeıt-alańdaǵy jóndeý jumystary 60%-ǵa aıaqtaldy;
Tóle bı kóshesiniń qıylysy Ormanov kóshesi boıyndaǵy parkýr alańyn bıylǵy jóndeý jumystary 60%-ǵa aıaqtaldy;
Dýman shaǵynaýdanynda Tiksaı ózeni boıyndaǵy jabyq sport alańyndaǵy jóndeý jumystary 70%-ǵa aıaqtaldy;
Qumaı kóshesindegi balalar jáne sport alańynyń jóndeý jumystary 90%-ǵa aıaqtaldy;
Avtomatty sýarýdy bıyl jóndeý: ál-Farabı dańǵylymen Dostyq dańǵylynan Nazarbaev dańǵylyna deıin;
Tóle bı kóshesinde Qaıyrbekov kóshesinen SHAAJ-ǵa deıin avtomatty sýarýdy jóndeý.
Medeý aýdanynyń ákimdigi aýla aýmaqtaryn abattandyrý máselesine erekshe nazar aýdarady. Ákim Á. Masabaev Medeý aýdanynda 784 kóp páterli turǵyn úı jáne 536 aýla bar ekenin aıtty.
"Maýsym aıynda 264 mln teńgege 60 aýla aýmaǵyna bıyl jóndeý jumystary bastaldy. Onyń aıasynda kishi sáýlet nysandaryn jóndeý men syrlaý, sham aýystyrý, rezeńke jabyndy tóseý, aǵashtardy sanıtarlyq kesý, vorkaýt snarádtary men kúshtik trenajerlarmen tolyqtyrý kózdelgen. Búginde 26 aýlada rezeńke tóseldi, 46 aýlada jaryq ornatyldy, taǵy 26 aýlada syrlaý jumystary júrgizildi. Tamyz aıynyń sońyna deıin abattandyrý jumystary tolyq aıaqtalady", – dedi ákim.
Sonymen qatar Samal-2 shaǵynaýdanynda ál-Farabı dańǵylynyń boıyndaǵy 22 úıdiń qasbetterin jóndeý jumystary bastaldy. Qazirgi kezde №17 úıde syrlaý jumystary júrgizilýde. №18,19,20,21,29 úılerde sylaý, jikterdi sylaý, kondısıonerlerdi demontajdaý boıynsha daıyndyq jumystary bastaldy. Jumystyń aıaqtalý merzimi – bıylǵy jyldyń qazan aıy.