Naqtylanǵan aqparat boıynsha órt alańy 380 sharshy metrdi qurady.
Saǵat 19.51-de órt sóndirildi. Qabyldanǵan sharalarmen órttiń eki qabatty aǵash saraıǵa jáne kórshi ǵımarattarǵa taralýyna jol berilmedi, dep habarlaıdy Almaty-akshamy.kz QR TJM saıtyna silteme jasap.
Qaza tapqandar men zardap shekkender joq. Órttiń sebebi anyqtalýda.
Órtti sóndirý jumystaryn bıiktiktiń úlken aıyrmashylyǵy, otqa tózimdiliktiń tómen dárejesi-aǵashtan salynǵan ǵımarattar, jaqyn mańda sý kózderiniń bolmaýy qıyndatty. Jaqyn mańdaǵy órt sóndirý gıdranty 1,5 km qashyqtyqta ornalasqan.
Eske salaıyq, 14 aqpan kúni saǵat 18:00-de Almaty q. TJD kúshteri men quraldary Medeý aýdany, Ospanov kóshesi, 85/77 mekenjaıynda ornalasqan monsha kesheninde órt shyqqany týraly habarlama boıynsha joǵary dárejede jiberildi.
"Qarbalas ýaqytta", taýly aımaqqa aparatyn joldaǵy jol keptelisi órt sóndirý tehnıkasyna kedergi týdyrdy.
Barlaý barysynda, órt sóndirýshiler eki aǵash qurylysy, ishinara 3-shisi de ashyq jalynmen janyp jatqany anyqtaldy, ottyń kórshi aǵash kotejderge taralý qaýpi týyndady. Nysan ákimshiliginiń aıtýynsha, kelýshiler bolǵan joq.
Dereý jedel shtab ornalastyrylyp, órt oqpandary engizildi, aralas tásilmen sýdyń úzdiksiz berilýi qamtamasyz etildi. Polısıa departamentiniń qyzmetkerleri órt bolǵan jerdi qorshaýdy uıymdastyrdy.
Kez-kelgen mınýtta monsha kesheniniń janynda turǵan aǵash qurylystary janýy múmkin edi.
Órtti sóndirýge jeke quramnan 77 adam, 19 birlik tehnıka, sondaı-aq qalanyń ózara is-qımyl qyzmeti jumyldyryldy.
Órt qaýipsizdigi qaǵıdalaryn saqtaýǵa shaqyramyz.