Óńirlik komýnıkasıalar qyzmeti uıymdastyrǵan baspasóz týry «Muztaý» shaǵyn aýdanyndaǵy sýmen jabdyqtaıtyn qurylys alańynda ótti. Medeý aýdanynyń ákimi Erkebulan Orazalın jýrnalıserge ınjenerlik ınfraqurylymnyń eń iri jobalarynyń iske asyrylý barysymen tanystyrdy, bul jobalar 65 myńnan astam turǵyndy qamtymaq, dep habarlaıdy aqshamnews.kz
«Balqash» taza sý qoımasynan «Muztaý» shaǵyn aýdanyna deıin jalǵasatyn Medeý aýdanyndaǵy 2,2 shaqyrymdyq qosalqy magıstraldyń qurylysy aıaqtalyp qaldy. 2024 jyldyń qazan aıynda bastalǵan joba 2 000-nan astam turǵyndy sapaly sýmen qamtamasyz etýdi josparlap otyr. Jumys 2025 jyldyń qyrkúıek aıynyń sońyna deıin aıaqtalmaq.
Sýdy úzbeı berip, káriz júıesimen qamtamasyz etetin «Muztaý» shaǵyn aýdanyndaǵy qurylys jumysy úlken baǵdarlamanyń bir bóligi ǵana ekenin aıtady Medeý aýdanynyń ákimi Erkebulan Orazalın.
«Biz negizgi jumystardy aıaqtap qaldyq. Qazir asfált jabynyn qalpyna keltirip jatyrmyz. Odan soń abattandyrýǵa kirisemiz. Barlyq jumysty qyrkúıek aıyna deıin, gıdravlıkalyq synaqtarmen birge aıaqtap, nysanda sol kezde iske qosamyz», – dedi aýdan ákimi.
2023-2024 jyldary «Kamenskoe Plato», «Kólsaı», «Iýbıleınyı» shaǵyn aýdandary men Halıýllın kóshesinde 11,6 shaqyrymnan asatyn sý jelileri salyndy, bul 13 myńnan astam adamdy sýmen qamtamasyz etti. «Kamenskoe Plato» aýdanynda buryn sý tapshy edi, endi ol másele sheshildi.
«2024 jyly biz iri sý jetkizý nysanyn paıdalanýǵa beretinimizdi aıtqanbyz. Ol skvajınamen, rezervýarlarmen jabdyqtalady. Bul mindetimizdi oryndadyq: 12 uńǵymany burǵylap, árqaısysy 6 myń tekshe metr bolatyn eki úlken rezervýar salyndy osy joly», – dedi Erkebulan Orazalın.
Sondaı-aq, ótken jyly da sý jetpegen shaǵyn aýdandarǵa sý qosyldy:
«Buryn sýdy bulaqtan alyp kelgen aımaqtarǵa da sý qubyry tartyldy. «Kólsaı» men «Iýbıleınyı» shaǵyn aýdanyna, mysaly», – dep qosty ákim.
2024 jyly joba «Keńsaı», «Dýman» shaǵyn aýdandarynda, jeke sektorda, S. Nurmaǵambetov, R. Baǵlanova, Mańǵystaý men basqa kóshelerdi de qamtydy. Jańa jelilerdiń jalpy uzyndyǵy 67,6 shaqyrmǵa jetti, bul 22,7 myń adamdy qamtydy. Taýly aımaqtarda sýmen jabdyqtaýǵa, káriz júıesine erekshe kóńil bólingen:
«Taýly aımaqtardaǵy turǵyndar septıkti paıdalanady, bul qaýipti. Ylǵaldanǵannan keıin jer syrǵyp ketýi múmkin. Sondyqtan biz oǵan jaǵalastyryp káriz júıesin de salyp jatyrmyz», – deıdi aýdan ákimi.
Bıyl «Alataý», «Kamenskoe Plato», «Gornyı gıgant» shaǵyn aýdanynda, Rysqulov, Qulja tas joly, Shyǵys aınalma joly men Taıyrov kóshesinde 116 shaqyrym bolatyn jańa ınjenerlik jeli salynady. Qolǵa alynyp jatqan bul jumys 19 myń turǵynnyń ómirin jaqsartýǵa yqpal etpek.
2026 jyly «Asqartaý» men «Iýbıleınyı» shaǵyn aýdanynda jumys jalǵasady. «Keńsaı», «Alataý», «Zelenstroı» JQ, «Radýga» men «Mıchýrınes» aýmaqtarynyń da jobalyq-smetalyq qujaty ázirlenip jatyr.
Ákimniń aıtýynsha, barlyq joba aıaqtalǵannan keıin aýdandy sý men káriz júıelerimen qamtamasyz etý jaǵy 100%-ǵa jýyqtamaq:
«Osy jobalar sátimen iske assa, 2-3 jyl ishinde Medeý aýdanynyń turǵyndaryn ortalyqtandyrylǵan sýmen, káriz júıesimen 98%-ǵa qamtamasyz etemiz», – dep sendirdi Erkebulan Orazalın.
Medeý aýdanyndaǵy ınjenerlik ınfraqurylymdy damytý barysynda burynnan kele jatqan máselelerdi sheshimin taýyp, taýly aýdandaǵy turǵyndardy taza aýyzsý men qaýipsiz káriz júıesine qosýǵa múmkindik berdi.