Bul týraly QR Parlamenti Senatynyń tóraǵasy Máýlen Áshimbaev facebook-tegi paraqshasyna jazdy dep habarlaıdy almaty-akshamy.kz
Onyń aıtýynsha, eldiń batysyndaǵy másele Prezıdent Qasym-Jomart Kemeluly Toqaevtyń tolyq baqylaýynda.
Memleket basshysynyń tapsyrmasymen arnaıy Úkimettik komısıa quryldy. Búginde Komısıa ókilderi óńirge baryp, óz jumysyn bastady. Másele dıalog negizinde sheshilýge tıis jáne Prezıdentimiz aıtqandaı, barlyq taraptyń múddesin eskeretin sheshimge kelý mańyzdy. Qazirgi tańda Mańǵystaýdan saılanǵan senatorlarymyz da sol óńirde máseleniń oń sheshilýine atsalysýda,-dep jazdy Senat tóraǵasy.
Sonymen qatar ol biz eldiktiń mańyzdy mejesinde turmyz degen oıyn bildirdi.
Táýelsizdigimizdi kózdiń qarashyǵyndaı saqtap, egemendigimizdi odan ári nyǵaıtý - basty mindetimiz. Kez kelgen máseleniń sheshimin tabýǵa bolady, ol úshin, eń aldymen, jyldar boıy qalyptasqan birligimiz ben turaqtylyǵymyzǵa syzat túsirmeý asa mańyzdy,-dep jazdy Áshimbaev.