Senat tóraǵasy Máýlen Áshimbaev Japonıa Parlamentiniń Qazaqstanmen dostyq lıgasynyń tóraǵasy Toshıakı Endo bastaǵan Japonıa Parlamenti depýtattarynyń delegasıasymen kezdesti, dep habarlaıdy Almaty-akshamy.kz Palatanyń baspasóz qyzmetine silteme jasap.
Kezdesýde taraptar parlamentaralyq yntymaqtastyqty odan ári nyǵaıtý máselelerin talqylady. Óz sózinde Máýlen Áshimbaev Japonıa Qazaqstannyń Azıa-Tynyq muhıty óńirindegi mańyzdy saıası jáne ekonomıkalyq seriktesteriniń biri ekenin atap ótti.
Sondaı-aq, Spıker Japonıa Parlamentiniń Qazaqstanmen dostyq lıgasynyń jumysyn joǵary baǵalap, parlamentaralyq yntymaqtastyqty halyqaralyq uıymdar aıasynda da arttyrýdyń mańyzdy ekenin tilge tıek etti.
Suhbat barysynda saýda-ekonomıkalyq jáne ınvestısıalyq yntymaqtastyq máseleleri de sóz boldy. Odan bólek, taraptar dekarbonızasıa, sıfrlandyrý, sırek metaldardy óndirý, aýyl sharýashylyǵy, logıstıka sıaqty salalarda birlesken jobalardy iske asyrýǵa múddelilik tanytty.
Senat Spıkeri elimizde Memleket basshysynyń bastamasymen iske asyrylyp jatqan reformalardyń mańyzyna da toqtalyp ótti.
Sonymen qatar, Máýlen Áshimbaev Álemdik jáne dástúrli dinder lıderleri Seziniń qyzmetine nazar aýdaryp, dinı Forýmǵa kórsetken qoldaýy men oǵan belsene qatysyp kele jatqany úshin japon tarapyna alǵys bildirdi.
Óz kezeginde Toshıakı Endo Qazaqstanda júrgizilip jatqan saıası ózgeristerdiń tıimdiligin jáne jan-jaqty ózara is-qımyldy arttyrýdyń mańyzdy ekenin aıtty.