1 maýsym – Halyqaralyq balalardy qorǵaý kúni qarsańynda Almaty qalasy máslıhatynyń depýtaty Aıgúl Shalbaeva megapolıstegi «Senim» áleýmettik qyzmet ortalyǵynyń balalaryn merekemen quttyqtap bardy.
Qur qol barmaı, máslıhattyń jáne Amanat partıacynyń atynan, ortalyqtyń ońaltý bólmesine balalarǵa laıyqtap jasalǵan qurǵaq baseın syılady. 
«Senim» áleýmettik qyzmet ortalyǵy densaýlyǵynda kináraty bar, arnaýly áleýmettik qyzmetter kórsetýge muqtaj 3-18 jas aralyǵyndaǵy 109 bala tárbıelenip jatqan medısınalyq-áleýmettik mekeme. Olarǵa stasıonar jaǵdaıynda da qyzmet kórsetiledi, ıaǵnı balalar «Senimniń» qaraýynda kúndiz bolady, al ata-analary bul kezde alańsyz jumysynda júredi. Bul da bolsa memleket tarapynan jasalyp otyrǵan úlken qoldaý. Ókinishke qaraı, munda ata-anasynyń qamqorlyǵynsyz qalǵan órender de bar. Olardyń basym kópshiligi serebraldy sal aýrýyna, «Daýn» sındromyna, aýtızmge shaldyqqan balalar.
Balalardyń ata-analary men ortalyq ókilderi Amanat tarapynan kórsetilgen qoldaýy úshin halyq qalaýlysy Aıgúl Dúısenqyzyna alǵystaryn bildirdi.