Air Astana baspasóz qyzmeti málimetinshe, áýekompanıanyń joǵalǵan júkti izdeý qyzmetiniń mamandary Erlan Kókeevtiń shaǵymy boıynsha izdeý júrgizgen.
"Tekseris nátıjesinde áýejaıda qyzmetkerler Erlan Kókeevke gıtarany ushaqqa ózimen alyp kirýdi usynǵany anyqtaldy. Alaıda jolaýshy zatyn júk bóligine jiberýdi jáne gıtaraǵa "áınek" belgisin jabysytyrýdy suraǵan. Áýeýompanıa qujattaryna nazar salsaq, 25 maýsymda Óskemen-Almaty baǵytyndaǵy KS302 reısine bir ǵana gıtara tıelgen. Kamera jazbalary da bul aqparatqa dálel", - delingen habarlamada.
Jazbadan ushaq qonǵannan keıin gıtara Almaty áýejaıyna túsirilip, osy reıs jolaýshylarynyń basqa da júkterimen júk qaıtarý jolaǵyna qoıylǵany kórinedi.
"Osy ushaqtan túsken qyzyl bas kıim kıgen jolaýshy Erlan Kókeevtiń gıtarasyn júk jolaǵynan alǵan. Áýekompanıa qyzyl bas kıim kıgen jolaýshydan Erlan Kókeevke gıtarsyn qaıtarýdy suraıdy. Bolmasa Erlan Kókeevke jolaýshyny anyqtap, joǵalǵan zatyn izdep tabý úshin quqyq qorǵaý organdaryna habarlasýyn suraımyz. Air Astana óz kezeginde polısıa jumysyna járdem kórsetip, vıdeokamera jazbalarymen qamtamasyz etedi", - delingen túsiniktemede.