Almatyda qalanyń Bas josparynyń negizgi parametrlerine saı keletin jańa Qala qurylysy reglamenti qabyldandy aqshamnews.kz
Almatyda VIII shaqyrylǵan Máslıhattyń kezekten tys sesıasy ótti, onyń barysynda depýtattar jańa Qala qurylysy reglamentin bekitti, dep habarlaıdy
Qalalyq josparlaý jáne ýrbanıstıka basqarmasynyń basshysy Nurlan Boranbaev óz sózinde atap ótkendeı, jańa Qala qurylysy reglamenti Almatynyń 2040 jylǵa deıingi Bas josparyn iske asyrý aıasynda ázirlendi.
«Qala reglamenti aýmaqty aımaqtarǵa bólý, ınfraqurylym obektilerin salý jáne ornalastyrý qaǵıdattaryn, sondaı-aq qala qurylysynyń basqa da aspektilerin aıqyndaıdy. Ol qalanyń damýyn retteýdiń negizgi quraly bolyp tabylady jáne Bas jospar negizinde ázirlenedi ári onyń sıpattamalyq bóligi bolyp tabylady», - dep atap ótti ol.
Máselen, aldyńǵy Qala qurylysy reglamenti 2006 jyly qabyldandy jáne Almatynyń qazirgi damý úrdisterine sáıkes kelmeıdi. Jańa qujat megapolıstiń polıortalyq retinde damýyna yqpal etedi jáne Bas josparǵa sáıkes turǵyndar úshin jaıly ómir súrý ortasyn qamtamasyz etedi.
Ázirlengen Qala qurylysy reglamenti jańalyqtarynyń biri-ekologıalyq jaǵdaıdy jáne qalalyq klımattyń jaılylyǵyn jaqsartýǵa baǵyttalǵan sanıtarlyq-qorǵaý aımaqtary men jel aýdandastyrý sıaqty retteý kartalary.
«Mundaı aımaqtar alǵash ret ázirlendi. Mysaly, jel aýdandastyrý kartasy merıdıandyq kóshelerdi jeldetkish dálizder retinde paıdalanýǵa, ıaǵnı qalany jaqsy aerasıalaý úshin úılerdi durys baǵdarlaýǵa múmkindik beredi», - dep atap ótti basqarmadaǵylar.
Jalpy, jańa qujatta bıznesti yntalandyrý úshin jer ýchaskelerin paıdalanýdyń ózgergishtigi artty, bul jańa jumys oryndaryn ashady jáne jumyspen qamtýdy