Reseı astanasynda 28 qazannan bastap lokdaýn jarıalandy, Máskeýdiń tóńireginde aımaqtar 23 qazannan beri karantınge jabylǵan bolatyn.
Máskeý turǵyndary demalys kúnderi meıramhanalarǵa barý úshin qonaqúılerge ornalasa bastaǵan, dep habarlaıdy Almaty-akshamy.kz Lenta.ru saıtyna silteme jasap.
«Vedomostı» basylymynyń jazýynsha, Máskeý turǵyndary jumys emes kúnderi meıramhanalardyń qyzmetterin paıdalaný úshin qoǵamdyq tamaqtaný oryndarynyń jumysyna qatań shekteýler qoıylmaǵan qonaqúılerge belsendi túrde ornalasa bastaǵan.
Assor qonaq úıler jelisiniń baspasóz qyzmeti bes juldyzdy Movenpick Moscow Taganskaya qonaqúıi qonaqtarynyń úshten birine jýyǵy astanalyq turǵyndary ekenin aıtty. Qonaq úıde turý kezinde olar Shagal meıramhanasynyń qyzmetterin paıdalana alady, sondaı-aq tańǵy asty óz bólmesine aldyrtýyna bolady. Qonaqtardan QR kodtary nemese PTR synaǵy talap etilmeıdi eken. Assordyń ókili qonaq úıge máskeýlikterdiń ornalasýyn karantındik shekteýler engizilýmen baılanysty dep túsindirdi: óıtkeni buryn qonaqúıdiń negizgi aýdıtorıasy kásipkerler men basqa óńirlerden kelgen qonaqtar bolǵan.
Sonymen qatar Máskeý turǵyndary jumys istemeıtin kúnderi manıkúr sheberlerin de kóp izdeıtin bolypty.