Jas ǵalym óz qurylǵysyn respýblıkalyq ǵylymı jobalar baıqaýynda tanystyrdy
Almaty qalasyndaǵy Nazarbaev Zıatkerlik mektebiniń oqýshysy Bogdan Mıronov kómirqyshqyl gazynyń mólsherin anyqtap, aýany tazartatyn qurylǵy daıyndap shyǵardy. Onyń bul qurylǵysy normadan asyp ketken jaǵdaıda artyq gazdy avtomatty túrde zalalsyzdandyrady, dep habarlaıdy Almaty-akshamy.kz
Jobasyn «avtomatty jeldetý qurylǵysy» dep ataǵan 9-shy synyp oqýshysy onyń ónertabysy keń aýqymda jahandyq jylyný problemalaryn sheshe alady dep esepteıdi.
«Bul qurylǵynyń kómegimen keńseni jeldetip, aýadaǵy kómirqyshqyl gazynyń kóptiginen sharshap-shaldyǵý máselesin sheshýge bolady. Kóptegen keńsede aýa almasý júıesi óte nashar. Áınek jıi qoldanylatyn ǵımarattarda ventılásıa múldem bolmaıdy. Al óndiristik jeldetý quraldarynyń quny qymbat. Bul qurylǵyda kómirqyshqyl gazynyń kólemin anyqtaıtyn arnaıy esepteýish ornatylǵan. Eger keńsedegi zándy gaz mólsheri kóbeıse ol avtomatty túrde aýany tazarta bastaıdy», -deıdi Nazarbaev Zıatkerlik mektebiniń oqýshysy Bogdan Mıronov.
Aıta keteıik, baıqaýǵa elimizdiń ár aımaǵynan kelgen 300-den astam oqýshy qatysyp jatyr. Olar ǵylymı-tehnıkalyq progrestiń ekonomıka men ekologıaǵa áseri, jasyl tehnologıalar, matematıkalyq modeldeý, elimizdiń tarıhy men týrızm salasyndaǵy taqyryptar boıynsha básekege túsedi.