Halyq sharýashylyǵy jetistikteri kórmesinde Qazaqstan pavılony Altyn belgimen marapattaldy.
Júlde mádenı jáne aǵartýshylyq baǵdarlamasy, sonymen qatar mádenı nysandardy qalpyna keltirýge qosqan úlesi úshin berildi. Marapattaý rásimi «Halyqtar dostyǵy» festıvali aıasynda ótti, dep habarlaıdy Almaty-akshamy.kz
Sondaı-aq, elimizdiń pavılonynda qazaq tilin úırený sabaqtary, toǵyzqumalaq pen shahmat jarystary, túrli sheberlik synyptar uıymdastyryldy.
«Qazaqstan pavılony kórmeniń damýyna qosqan úlesi úshin marapattaldy. Ol - osy kórmedegi negizgi pavılondardyń biri. Bul – kóp fýnksıonaldy keshen, qyzyqty ekspozısıa. Kórmeni tamashalaýshylardyń sany da kóp», - deıdi HSHJK strategıalyq damý departamenti basshysynyń orynbasary Ignat Jolobov.
«Jumys kúnderi shamamen 3-4 myń qonaq keledi. Keıde 6 myńǵa deıin jetti. Al 9 mamyr sıaqty merekelerde bizdiń pavılon kelýshilerdiń sany boıynsha rekordtyq deńgeıge jetti. Bizge 32 myń qonaq keldi», - dedi «Qazaqstan» pavılony bas dırektorynyń orynbasary Tamara Babaqova