Aýa raıy qubylmaly bolady.
«Qazgıdromettiń» mamandary 12-14 shildege arnalǵan aýa raıy boljamyn jarıalady, dep habarlaıdy Almaty-akshamy.kz.
Sınoptıkterdiń boljamynsha, ortalyǵy Salehard aımaǵynyń Soltústik antısıklony elimizdiń soltústik bóligine áser etedi. Aýa raıy qubylmaly bolady. Jaýyn-shashyn jaýady.
12-13 shildede respýblıkanyń ortalyǵy men shyǵysynda naızaǵaı, jel soǵyp, qatty jańbyr, burshaq jaýýy múmkin. Elimizdiń batysy men ońtústik-batysynda ǵana jaýyn-shashynsyz aýa raıy kútiledi.
«Aýa temperatýrasy kúndiz batysta +34+42 gradýs, ońtústik-batysta + 40+45 gradýs, soltústik-batysta +28+35 gradýstan +30+40 gradýsqa deıin, soltústikte +25+33 gradýstan +22+30 gradýsqa deıin aýytqıdy. Ortalyqta +22+30 gradýs, shyǵysta aýa temperatýrasynyń +22+32 gradýstan +17+25 gradýsqa deıin tómendeýi, ońtústikte temperatýranyń +29+37 gradýstan +32+40 gradýsqa deıin, eldiń ońtústik-shyǵysynda + 22+32 gradýstan +25+35 gradýsqa deıin joǵarylaýy kútiledi»,- delingen sınoptıkterdiń habarlamasynda.