Jezqazǵanda tańǵy ýaqytta qyzyq oqıǵa boldy. Mas kúıdegi jergilikti turǵyn oblystyq prokýratýra ǵımaratyn dosynyń úıi dep shatastyryp, qaqpasyn syndyryp tastaǵan, dep habarlaıdy Aqshamnews.kz tilshisi.
Sottyń málimetinshe, oqıǵa 30 tamyzda tańǵy 05:23 shamasynda bolǵan. Azamat T. mas kúıde bolyp, Ulytaý oblystyq prokýratýrasynyń qaqpasyn dosynyń úıi dep oılap, ashýǵa tyrysqan. Ashylmaǵan soń qaqpany syndyryp, nátıjesinde 260 myń teńge kóleminde shyǵyn keltirgen.
Sotta er adam óz kinásin moıyndap, ókinish bildirip, keltirilgen shyǵyndy tolyq óteıtinin aıtqan. Nátıjesinde sot ony bógdeniń múlkin ádeıi búldirdi dep tanyp, 5 táýlikke ákimshilik qamaýǵa alý týraly sheshim shyǵardy.