Bomba qoıylǵany týraly habarlama "102" púltine saǵat 19:00 shamasynda kelip túsken.
Belgisiz bireý Rysqulov jáne Momyshuly kósheleriniń mańyndaǵy balalar alańyna jarylǵysh zat qoıylǵanyn aıtqan, dep habarlaıdy aqshamnews.kz Polisia.kz-ke silteme jasap.
- Nysandy jedel tekserý qońyraýdyń jalǵan ekenin anyqtady. Sonymen qatar, qazirgi zamanǵy qaýipsizdik júıelerimen terorızm aktisi týraly ádeıi jalǵan habarlama aıtyp, qońyraý shalǵan adamdy tabý jáne anyqtaý qıyn emes. Keshendi jedel-izdestirý sharalary barysynda Almaty qalasynyń 35 jastaǵy turǵyny anyqtalyp, ustaldy. A.esimdi azamat mas kúıinde boldy jáne nelikten jalǵan qońyraý shalǵanyn aıta almady. Er adam jaýapqa tartylatyn bolady. Ádette, lańkestik aktisi týraly jalǵan habarlamanyń saldarynan halyq arasynda dúrbeleń týyndap, adamdardyń edáýir bóligi jarylǵysh zattardy izdeýge jáne anyqtaýǵa alańdaıdy, barlyq tótenshe jaǵdaılar qyzmeti jumyldyrylady, - dedi Alataý aýdandyq PB-na qarasty polısıa bóliminiń basshysy Qumarbek Kenshinbaev.
Sondaı-aq spıker lańkestik aktisi týraly qasaqana jalǵan habarlaǵany úshin 6 jylǵa deıin bas bostandyǵynan aıyrý jazasy qoldanylatynyn atap ótti.