Indonezıada Marapı janartaýy oıanyp, aınalasyna ot pen kúl shashyp jatyr.
Janartaý ózeginen shyǵyp jatqan tútin 1,5 shaqyrym bıiktikke kóterilgen. Jergilikti geologıa agenttiginiń habarlaýynsha, výlkanǵa jaqyn ornalasqan úıler men avtokólikterdi tolyǵymen kúl basqan.
Kóp uzamaı aımaqta laı kóshkini men lava aǵyny júredi degen qaýip bar. Osyǵan baılanysty jergilikti bılik turǵyndardy qaýipsiz jerge kóshýge shaqyryp jatyr.
Ázirge tabıǵı apattan qaza tapqandar jaıly aqparat joq. Ondaǵan adamnyń aýrýhanaǵa túskeni belgili.