Qazaqstan Respýblıkasynyń Ekologıa jáne tabıǵı resýrstar Mınıstri Erlan Nysanbaev Qazaqstannyń ulttyq gıdrometeorologıalyq qyzmetine keldi6 dep habarlaıdy almaty-akshamy.kz
Sapar barysynda Mınıstr ekologıalyq jáne tekserý zerthanalaryna, Gıdrometortalyqqa baryp, qyzmetkerlerdiń eńbek jaǵdaılarymen tanysty, Qazgıdromet mamandarymen salanyń problemalyq máselelerin, qyzmetti iske asyrý jónindegi aǵymdaǵy josparlardy, kásiporyndy jańǵyrtý jáne jaraqtandyrý máselelerin sheshý joldaryn talqylady, sondaı-aq 2023 jylǵy jumys qorytyndylary týraly baıandamany tyńdady.
Mınıstr óz sózinde gıdrometeorologıalyq qyzmettiń ekologıalyq jáne klımattyq monıtorıń jumysyna qosqan erekshe úlesin, sondaı-aq klımattyń ózgerýine jáne qorshaǵan ortany saqtaýǵa baılanysty zertteýler men ǵylymı jobalarǵa turaqty qatysýyn atap ótti.
Kezdesý qorytyndysy boıynsha Mınıstr mınıstrlik pen Qazaqstannyń Ulttyq gıdrometeorologıalyq qyzmeti arasyndaǵy aqparat almasý jáne boljamdyq jáne gıdrometeorologıalyq aqparatty ýaqtyly usyný salasyndaǵy ózara is-qımyldy jetildirý jóninde birqatar tapsyrmalar berdi.