Polısıa qyzmetkerleri kúdiktini ustady
Almatyda ózin quqyq qorǵaý organy qyzmetkerimin dep tanystyrǵan er adam ózgelerge qyzmette mansabyn "joǵarylatyp" beremin dep ýáde bergen, dep habarlaıdy Almaty-akshamy.kz.
Almaty qalalyq polısıa málimetinshe, ol aqysyn tólese, qyzmette mansabyn ósirýdi ýáde etken. Polısıa qyzmetkerleri kúdiktini ustady.
"Ózin quqyq qorǵaý organdarynyń biriniń qyzmetkerimin dep tanystyrǵan 1992 jyly týǵan A. esimdi azamat mansaptyq ósýge kómektesemin dep ýáde bergen. Biraq bul “qyzmeti” aqyly, ol úshin shamamen 18 myń dollar suraǵan. Tergeý barysynda kúdiktiniń óziniń quzyrettiligi týraly aqparatty jeke bas paıdasy úshin taratqany anyqtaldy. Nıetiniń tazalyǵyna sendirgen ol aldyn ala tólemdi aýdarýdy usynǵan. Qazirgi tańda bizdiń bólimshede eki alaıaqtyq deregi tirkeldi", – dedi Naýryzbaı aýdandyq polısıa basqarmasynyń bastyǵy Danıar Meńdebaev.
Ustalǵan azamatqa qatysty QR QK-niń 190-baby 3-bóligi boıynsha sotqa deıingi tergeý amaldary júrgizilip jatyr.