Olar áleýmettik jaǵdaılaryna narazylyq bildirip, beıneúndeý joldaǵan.
Lada.kz saıtynyń aqparatyna saı, Mańǵystaý oblysynda órt sóndirýshiler jumysqa shyǵýdan bas tartyp jatyr, dep habarlaıdy Almaty-akshamy.kz
Olardy Ómirzaq aýylyndaǵy áriptesteri de qoldap shyqqan.
Úndeý Qazaqstan prezıdenti Qasym-Jomart Toqaevqa, premer-mınıstr Oljas Bektenovke, Mańǵystaý oblysynyń ákimi Nurlan Noǵaevqa joldandy.
«Mańǵystaý oblysyndaǵy «Zevs energo» qoǵamdyq birlestigi, Aqtaý, Jańaózen, Jetibaı, Qarajanbas jáne Qalamqas órt sóndirýshileri ujymynyń atynan úndeý! Osy ýaqytqa deıin memlekettik organdarǵa eskertý jasaldy. Alaıda aryz-talabymyz oń sheshimin tappady. Sondyqtan 16 aqpannan bastap jumysty toqtattyq. Aılyǵymyz 130-150 myń teńge aralyǵynda, eńbek demalysyna 80 myń teńge beredi. Bul qazirgi qymbatshylyqqa baılanysty azdyq etedi. Aılyǵymyzdy 350 myń teńgege kóterip, áleýmettik paketti qosyp, densaýlyqqa zıandy aımaqta júrgendikten sút jáne taǵy basqa paıdaly azyqpen qamtamasyz etilsin. Jyl saıyn beriletin merekelik syıaqylar 100% berilsin. Sapaly, ólshemi durys kıim berilsin. Jumysshylardy qýdalamaýdy suraımyz. Osy talaptarymyz oryndalmaıynsha, jumysty toqtatyp turamyz!», delingen órt sóndirýshilerdiń beıneúndeýinde.