Qazaqstandaǵy suıytylǵan munaı gazynyń baǵasy óńirdegi eń tómen baǵa
QR Energetıka mınıstri Maǵzum Myrzaǵalıev suıytylǵan munaı gazyn óndirýdiń ózindik quny týraly málimet berdi, dep habarlaıdy Almaty-akshamy.kz.
Ortalyq komýnıkasıalar qyzmetinde ótken brıfıńide Energetıka mınıstri Mańǵystaý oblysyndaǵy gaz baǵasyna qatysty túsinikteme berdi.
«Jergilikti tutynýshylardy qoldaý úshin gazdyń baǵasy retteldi jáne tonnasyna 38 myń teńge deńgeıinde belgilendi. Iaǵnı eksport baǵasynan 5-6 ese tómen. Bul rette «Qazaq gaz óńdeý zaýytynda» ózindik quny tonnasyna shamamen 100 myń teńgeni quraıdy. Qazaqstandaǵy suıytylǵan munaı gazynyń baǵasy óńirdegi eń tómen baǵa. Sáıkesinshe, tómen deńgeıdegi baǵa gaz óndirisin ulǵaıtýdy yntalandyrmaıdy. 2020 jyly ishki naryqtyń qajettilikterin qamtý úshin 1,4 mln tonna muıytylǵan munaı gazy óndirildi. 2021jyly ishki naryqtaǵy tutyný 1,6 mln tonnaǵa deıin ósti. Bul rette gaz óndirisi ósip jatqan joq. Al tozyǵy jetken zaýyttardyń jıi jóndelýi jalpy óndiristiń tómendeýine ákep soǵýda», - dedi mınıstr.