Mańǵystaýda óli tabylǵan ıtbalyqtar sany resmı derekterge sáıkes 700-den asty, dep habarlaıdy jergilikti Lada basylymy. Bul tek balyq ınspeksıasynyń esepke alǵan ıtbalyqtary ǵana.
Shyn máninde olardyń sany áldeqaıda kóp bolýy múmkin, óıtkeni aýa raıynyń qolaısyzdyǵyna baılanysty jaǵaǵa áli de óli ıtbalyqtar shyǵýda. Óńirde mundaı aýqymdy janýarlardyń qyrylýy buryn-sońdy tirkelmegen.
Ólý sebepteri áli de belgisiz: buǵan lastaný, vırýstar, tabıǵı kataklızmder, sý astynda tabıǵı gazdyń bólinýi yqpal etýi múmkin. Mysaly, 2022 jyly Daǵystanda 2,5 myń ıtbalyqtyń óli tabylý jaǵdaıynda negizgi sebep retinde gazdyń bólinýi atalǵan edi.
Bul jaǵdaıdyń qanshalyqty mańyzdy ekenin túsiný úshin Kaspıı ıtbalyqtarynyń popýlásıasy sońǵy 100 jylda 90 paıyzǵa qysqarǵanyn atap ótken jón. Qazirgi ýaqytta olardyń sany shamamen 300 myń dep esepteledi.
Alaıda naqty sany belgisiz. Ortalyq Azıa ekologıalyq zertteýler ınstıtýtynyń (CAIER) "Vlast" basylymyna habarlaýynsha, is júzinde ıtbalyqtardyń sany 100 myńǵa deıin azaıýy múmkin.
Esterińizge sala ketsek buǵan deıin Túpqaraǵan aýdanynyń Baýtın aýmaǵynda Itbalyqtyń qyrylýyna ne bolǵanyn jazǵan bolatynbyz.