Маңғыстау облысының Баутино ауылында, Каспий теңізінің жағалауынынан табылған өлі итбалықтарға қатысты облыстық әкімдіктің баспасөз қызметі мәлімдеме жасады, деп хабарлайды aqshamnews.kz
Жергілікті биліктің мәліметінше, 24 қазанда 51 өлексесі, ал 25-26 қазанда 100-ден астам өлексесі табылған. Барлық өлекселер сараптамаға жіберілді.
«Гидробиология және экология институтының қызметкерлері токсикологиялық, гистологиялық және вирусологиялық зерттеулер жүргізеді. Қазір алты маман оқиға орнында жұмыс істеуде. Табылған итбалықтардың денелері қатты шіріп кеткен. Қазіргі уақытта өлекселерді жинау жұмыстары жалғасуда, бұл жерлерде жергілікті атқарушы органдардың қызметкерлері, балық инспекциясы басқармасы, аудандық полиция бөлімі, ветеринарлық инспекция, гидробиология және экология институты мен "Qazak Balyk" Республикалық балық шаруашылығы қауымдастығы филиалының өкілдері жұмыс істеп жатыр», – деп хабарлады Маңғыстау облыстық әкімдіктің баспасөз қызметі.
Естерңізге сала кетсек бұған дейін Түпқараған ауданының Баутин аумағында 151 итбалықтың өлексесі табылғанын жазған болатынбыз.