"Qazgıdromet" RMK ókilderi mamyr aıyna arnalǵan konsýltatıvtik aýa raıy boljamyn usyndy, dep habarlaıdy almaty-akshamy.kz.
"Bir aı boıy aýa raıy turaqsyz bolady, jańbyr jaýyp, naızaǵaı bolady, ekpindi jel soǵady, keı jerlerde burshaq túsedi. Kóp kún boıy joǵary temperatýralyq fon saqtalady dep kútilýde: respýblıkanyń soltústik bóliginde kúndiz aýa temperatýrasy +35°C deıin, ońtústik bóliginde +40°C deıin ystyq bolady", - dedi "Qazgıdromet" RMK baspasóz hatshysy Alına Ismagýlova OKQ alańynda ótken brıfıńte.
Sýyq tolqyndarda aýa temperatýrasynyń tómendeýi kútiledi: soltústik, shyǵys jáne ortalyq aımaqtarda, sondaı-aq eldiń ońtústik-shyǵysyndaǵy taýly aýdandarda túnde -5 gradýsqa deıin, kúndiz +15°C deıin; batysta jáne QR ońtústik bóliginde - túnde +5 gradýsqa deıin, kúndiz +26°C deıin.
"Mamyr aıynda aýa temperatýrasy respýblıkanyń basym bóliginde normadan 1-2° joǵary bolady dep kútilýde. Mamyr aıynda jaýyn-shashyn mólsheri elimizdiń batysynda, ońtústik, ortalyq óńirlerinde shamadan tys kóp bolady dep boljanyp otyr", - dedi "Qazgıdromet" baspasóz hatshysy.
Boljam boıynsha:
Aıdyń kóp bóliginde joǵary temperatýra kórsetkishi basym bolady dep kútilýde: respýblıkamyzdyń soltústik jartysynda kúndiz aýa +25+35°C deıin ysýy múmkin; ońtústik jartysynda +30+40°C deıin.
Sýyq tolqyndar áserinen aýa temperatýrasynyń tómendeýi kútiledi: soltústik, shyǵys jáne ortalyq aımaqtarda, sondaı-aq eldiń ońtústik-shyǵysyndaǵy taýly aımaqtarda túnde -5+5°C deıin, kúndiz +10+15°C deıin; elimizdiń batysynda jáne ońtústik jartysynda túnde +5+15°C deıin, kúndiz +16+26°C deıin jyly bolmaq.
Mamyr aıynda respýblıkanyń basym bóliginde ortasha aılyq aýa temperatýrasy normadan 1-2° joǵary, batys aımaqtarda norma shamasynda kútiledi. Mamyr aıynda jaýyn-shashyn mólsheri respýblıkanyń basym bóliginde norma shamasynda, eldiń qıyr batysynda normadan joǵary, Qazaqstannyń ońtústik, ortalyq óńirlerinde normadan az bolady dep boljanýda.