Alǵashqy onkúndikte jańbyr, naızaǵaı, ekpindi jel bolady.
«Qazgıdromet» mamandary mamyr aıyna arnalǵan aýa raıy boljamyn usyndy, dep habarlaıdy aqshamnews.kz
Mamyr aıynda Qazaqstannyń basym bóliginde ortasha aýa temperatýrasy klımattyq normadan 1°S-qa joǵary bolady dep kútilýde. Shyǵys Qazaqstan oblysynda, Almaty oblysynyń ońtústik-shyǵys jartysynda, sondaı-aq Jetisý men Abaı oblystarynda temperatýra normamen shamalas bolady.
Mamyrdaǵy jaýyn-shashyn mólsheri respýblıkanyń kóp óńirlerinde normadan tómen bolady dep boljanady. Al elimizdiń soltústik-batys, soltústik aımaqtarynda, Qyzylorda, Túrkistan, Jambyl oblystarynyń ońtústiginde, sondaı-aq Almaty, Shyǵys Qazaqstan, Jetisý men Abaı oblystarynyń ońtústik-shyǵysynda jaýyn-shashyn mólsheri normaǵa jýyq jaýady.
Mamyrdyń birinshi onkúndiginde jańbyr, naızaǵaı, ekpindi jel kútiledi. Eldiń ońtústigi men ońtústik-batysynda shańdy daýyldar bolýy múmkin. Tek keı kúnderi respýblıka boıynsha az bultty, jaýyn-shashynsyz aýa raıy kútiledi.
Temperatýra mynadaı dıapazonda bolady dep boljanady:
Batys óńirde túnde +4…+9°S-tan +9…+14°S-qa deıin, kúndiz +15…+20°S-tan +22…+30°S-qa deıin;
Ońtústik-batysta túnde +10…+15°S-tan +12…+20°S-qa deıin, kúndiz +20…+25°S-tan +25…+33°S-qa deıin;
Soltústik-batys, soltústik, shyǵys jáne ortalyq óńirlerde túnde 0…+5°S, keı jerlerde 1–6°S úsik, keıin +8…+15°S-qa deıin, kúndiz +10…+18°S-tan +23…+30°S-qa deıin;
Eldiń ońtústik jartysynda aýa temperatýrasy birtindep joǵarylap, túnde +5…+12°S-tan +15…+20°S-qa, kúndiz +18…+25°S-tan +28…+35°S-qa deıin jetedi.
Mamyrdyń ekinshi jáne úshinshi onkúndikterinde eldiń kóp bóliginde túngi temperatýra +2…+7°S-tan +10…+15°S-qa deıin, kúndiz +10…+15°S-tan +25…+30°S-qa deıin aýytqıdy. Sýyq antısıklonnyń ótýine baılanysty keıbir kúnderi túngi ýaqytta 1–6°S-qa deıin úsik júrýi múmkin.
Eldiń ońtústigi men ońtústik-shyǵysynda aýa temperatýrasy +28…+36°S-qa deıin kóteriledi, alaıda mundaı ystyq kúnder aýysyp, temperatýra +20…+25°S-qa deıin tómendeıtin salqyn kúndermen almasýy múmkin. Arktıkalyq aýa massalarynyń enýine baılanysty topyraq betinde 2°S-qa deıin úsik júrý yqtımaldyǵy bar.