Birinshi onkúndikte elimizdiń basym bóliginde aýa raıy turaqsyz bolady.
«Qazgıdromet» RMK 2024 jylǵy mamyr aıyna arnalǵan aýa raıy boljamyn jarıalady, dep habarlaıdy Almaty-akshamy.kz
Konsýltatıvtik boljamǵa sáıkes, mamyrdyń birinshi onkúndiginde elimizdiń basym bóliginde aýa raıynyń turaqsyz sıpaty kútiledi, jıi jańbyr jaýady, keıde nóser jańbyr, keı kúnderi naızaǵaı, qatty jel jáne burshaq jaýady. Onkúndiktiń basynda jáne ortasynda respýblıkanyń soltústiginde, ortalyǵynda,shyǵysynda,ońtústik-shyǵys aýdandarynyń taýly jáne taý bókterinde túnde qarǵa ulasatyn jańbyr kútilýde.
Mamyrdyń birinshi onkúndiginde aýa temperatýrasynyń aýytqýy kútiledi:
eldiń soltústik-batysynda, soltústiginde, ortalyǵynda, shyǵysynda túnde -5+3°S-tan +2+10°S-qa deıin, kúndiz +5+13°S-tan +20+28°S-qa deıin;
eldiń ońtústik jartysynda - túnde -3+5°S-tan +8+15°S-qa deıin, kúndiz +13+23°S-tan +25+30°S-qa deıin.
eldiń batysynda túnde +8+18°S-tan -3+7°S-qa deıin, kúndiz +18+25°S-tan +8+15°S-qa deıin.
Aıdyń ekinshi jáne úshinshi onkúndiginde jyly aýa massalarynyń Iran aýdandarynan qarqyndy shyǵarylýymen aýa temperatýrasynyń birtindep joǵarylaýy boljanýda:
respýblıkanyń soltústiginde, ortalyǵynda, shyǵysynda túnde +10+18°S deıin, kúndiz +25+35°S deıin;
ońtústik jartysynda túnde +15+23°S deıin, kúndiz +30+40°C ystyqqa deıin.
Mamyr aıynyń ekinshi jáne úshinshi onkúndiginiń keı kúnderinde atmosferalyq fronttardyń ótýimen naızaǵaıly jańbyr jaýady, ystyqtyń azdap tómendeýi - soltústikte, ortalyq jáne shyǵys aımaqtarda kúndiz +15+25°S deıin, ońtústikte +20+28°S deıin kútilýde.
Mamyr aıynda ortasha aılyq aýa temperatýrasy respýblıkanyń basym bóliginde normadan 1-2° joǵary, elimizdiń batys aımaqtarynda norma shamasynda bolady dep kútilýde.
Mamyr aıynda jaýyn–shashyn mólsheri respýblıkanyń basym bóliginde norma shamasynda, eldiń qıyr batysynda normadan kóp, Qazaqstannyń ońtústik, ortalyq óńirlerinde normadan az bolady dep boljanýda.