Oqýshylardyń 80%-y mamandyq tańdamas buryn ata-anasy men muǵalimderine qulaq asady.
Mundaı derekti «Bolashaq» qaýymdastyǵy keńesiniń múshesi Muhtar Mankeev keltirip otyr, dep habarlaıdy Almaty-akshamy.kz QazAqparatqa silteme jasap.
«Statısıkalyq zertteý derekteri boıynsha, eńbekke qabiletti halyqtyń 60 paıyzdan astamy mamandyq boıynsha jumys istemeıdi. Bul – úlken másele. Sondaı-aq mektep oqýshylarynyń 80 paıyzy ata-anasy men muǵalimderdiń yqpalymen mamandyq tańdaıtynyn kórip otyrmyz. Bul rette ata-analardyń 25 paıyzy balalarynyń qandaı mamandyq tańdaǵysy keletini týraly túsinikteri joq ekenin moıyndaıdy. Osy sıaqty basqa da statısıkalyq málimetter bizdiń qoǵam belsendileri retinde jobany qolǵa alýǵa yqpal etti», - dedi «Bolashaq» ókili.
Ol bıyl qaýymdastyq ókilderi shalǵaı aýyldardaǵy 500-den astam mektepte kezdesý ótkizetinin jetkizdi
«2021-22 jyldary 40-tan astam mektepke baryp, kezdesýler ótkizgen bolatynbyz. 2023 jyldyń sońyna deıin 500-den astam mektepti qamtymaqshymyz, Basty nazarda, árıne, shalǵaı aımaqtardaǵy, aýdandardaǵy mektepter bolady», - dedi ol.