«Mamandyǵym – bolashaǵym» jobasy iske asyrylady.
Joǵary jáne joǵary oqý ornynan keıingi bilim komıteti tóraǵasynyń orynbasary Aqerke Abylaıhan Ortalyq komýnıkasıalar qyzmetinde ótken brıfıńide osyndaı málimet aıtty, dep habarlaıdy Almaty-akshamy.kz QazAqparatqa silteme jasap.
«Jobany qoldap otyr. Jalpy, búginde búkil mektepterde kásibı baǵdarlaýshy bir maman osy máselemen tikeleı aınalysady. Iaǵnı, jas býynnyń keleshek mamandyǵyn durys tańdaýyna yqpal etý óte mańyzdy. Sondyqtan bizdiń mınıstrlik tarapynan «Mamandyǵym – bolashaǵym» jobasy iske asyrylady. Osy jobanyń sheńberinde de 1 mıllıonǵa jýyq mektep oqýshysyn kásibı dıagnostıkadan – testileýden ótkizý josparlanyp otyr. Sebebi kez kelgen ata-ananyń kókeıinde júrgen suraqtardyń biri – «Meniń balamnyń qabileti qandaı?». Bul jerde ár balanyń erekshe qabiletin eskeriledi. Sondyqtan ǵylymı turǵydan jasalǵan júıe boıynsha dıagnostıkalyq testileý josparlanyp otyr», - dedi ol «Bolashaq» qaýymdastyǵynyń «Bolashaqqa senimmen» atty jobasyna arnalǵa brıfıńide.
«Bolashaq» qaýymdastyǵy keńesiniń múshesi Muhtar Mankeevtiń aıtýynsha, kásibı baǵdarlaý jumysy AQSH, Germanıa, Shvesıa, Japonıa sıaqty elderde ótken ǵasyrdyń ortasynan beri jolǵa qoıylǵan. Qaýymdastyq ókili solardyń ishinde Japonıanyń tádjirıbesi Qazaqstanǵa jaqyn degen paıymyn aıtty.
«Qazaqstanǵa keletin bolsaq, bizdiń oıymyzsha, Japonıanyń tájirıbesi bizge jaqyn. Olar kásiptik baǵdar berý tujyrymdamasyn japon mektebiniń júıesin túegeıli reformalaý aıasynda engizgen bolatyn. Olar 7-9 synyp oqýshylarynyń arasynda jyl saıyn 16 túrli mamandyq boıynsha jumys isteıdi. Sonda olar mektep bitirgenge deıin 48 mamandyq boıynsha baqtaryn synap kóredi degen sóz. Osylaısha olar ár baǵyt boıynsha emtıhan tapsyryp, qaı salaǵa beıimi bar, qaı baǵyttaǵy bilimi sapaly ekenin biledi. Sondyqtan da búgin bizden Qazastan boıynsha osyndaı úlken joba qaýymdastyqtyń atynan bastap jatyrmyz. Qazir eki mınıstrlikpen tyǵyz jumys istep otyrmyz», - dedi Muhtar Mankeev.