Abaı atyndaǵy QazUPÝ-da «Pedagogıkalyq synyptar qurý» pılottyq jobasy aıasynda «Mamandyǵym - maqtanyshym» tanymdyq keshi ótti.
Jańa oqý jylynyń basynda ýnıversıtet rektory Darhan Bilálov, akademıalyq máseleler jónindegi prorektor Maqtaǵalı Bektemesov, áleýmettik damý jónindegi prorektor Shyńǵys Nurlanov, Akademıalyq máseleler jónindegi departament dırektory Haırýlla Janbekov, Pedagogıka jáne psıhologıa ınstıtýtynyń pedagogıka kafedrasynyń meńgerýshisi Sholpan Kolýmbaeva, pedagogıka kafedrasynyń qaýymdastyrylǵan profesory Baýyrjan Saıdahmetov bastaǵan shyǵarmashylyq top «Pedagogıkalyq synyptar qurý» taqyrybynda elimizdegi alǵashqy pılottyq jobany ázirledi. Maqsaty – oqýshy jastardy pedagogıkalyq salaǵa erte beıindeý, muǵalim mamandyǵyna qyzyǵýshylyqty arttyrý jáne pedagogıkalyq qyzmette ózin-ózi tárbıeleý jáne pedagogıkalyq qyzmettiń múmkindikterine oń kózqarasty qalyptastyrý.
Jobany júzege asyrý búginde jalǵasýda. Aıta keteıik, ıdeıa avtory rektor Darhan Bilálov. Ýnıversıtet basshylyǵy bolashaqta ustazdyq etýdi tańdaǵan stýdentterge tegin granttar, sondaı-aq úzdik oqýshylarǵa – oqý ozattary men belsendilerge jeńildikter berý týraly sheshim qabyldady.
Osy jobany iske asyrý maqsatynda uıymdastyrylǵan is-sharaǵa QR Pedagogıka ǵylymdary akademıasynyń akademıgi, elimizdiń eńbek sińirgen ustazy A.Mırazova, Abaı atyndaǵy QazUPÝ akademıalyq máseleler jónindegi prorektory M.Bektemesov, Akademıalyq máseleler jónindegi departament dırektory H.Janbekov, pedagogıka kafedrasynyń dosentteri M. Kýrsabaev pen B. Saıdahmetov qatysty. Olar joba týraly óz oılaryn bólisti.
Kezdesýge Abaı atyndaǵy daryndy balalarǵa arnalǵan respýblıkalyq mektep-ınternatynyń, K.Mandokı atyndaǵy №154 jalpy bilim beretin mekteptiń, №81 mektep-gımnazıasynyń jáne Sh.Smaǵulov atyndaǵy daryndy balalarǵa arnalǵan lıseı-mektebiniń 11 synyp oqýshylary keldi, olar osy pılottyq jobanyń negizgi qatysýshylary bolyp sanalady.
A.Mırazova azamattardyń bilim berýdegi jáne jalpy adamdy tárbıeleýdegi muǵalimderdiń rólin atap ótip, óz ómirindegi mysaldarmen ult aldyndaǵy pedagogıkanyń negizgi mindetteri týraly aıtyp berdi, al prorektor M.Bektemesov kezdesýdi qorytyndylaı kele, bolashaqta muǵalim mamandyǵyn tańdaıtyn oqýshylar úshin Abaı ýnıversıtetiniń esigi árdaıym ashyq ekenin atap ótti.
Kópshiliktiń qyzyǵýshylyǵyn týdyrǵan bul kezdesý joǵary uıymdastyrýshylyq deńgeıde jáne jan-jaqty dıalog jaǵdaıynda ótti. Qatysýshylar joba týraly óz oılaryn bólisti.