Basqarmanyń aqparatyna qaraǵanda, tomografıany 11C-metıonındi paıdalanyp jasaý mıdaǵy qaterli isikti erte dıagnostıkalaýǵa múmkindik beredi, ol isik kólemin anyqtaýda «altyn standart» retinde moıyndalǵan.
Osy oraıda, byltyr jeltoqsan aıynda jáne bıyl naýryzda Sıklotrondy keshende eki radıofarmasevtıkalyq preparat óndirile bastaǵan. Dárigerler aıtqandaı, álemdik tájirıbede aýrýhanalar jyl saıyn bir nemese eki preparat qana shyǵaratynyn eskersek, bul QR Prezıdenti İs Basqarmasynyń aýrýhanasy úshin úlken jetistik. Osylaısha, qaterli isik aýrýlaryn erte bastan tabý men emdeý baǵytynda úlken nátıjege qol jetkizilip otyr.
Iadrolyq medısınalyq ortalyqta osyǵan deıin 4 myńǵa tarta adam dıagnostıkadan ótken. Olardyń 95 paıyzdan astamy TMKKK arqyly keldi. Sıklotrondy óndiristik keshende jyl sońyna deıin qaterli isik aýrýlaryna qatysty dıagnostıkalyq zertteýler júrgizýge arnalǵan taǵy eki preparat óndiriske shyǵarylady dep josparlanyp otyr.
«Kezekti jetistikke qol jetkizgen Iadrolyq medısınalyq ortalyq mamandaryn — fızık, hımık, ınjener, radıofarmasevterdi, dárigerlerdi, meıirbıkeler men sanıtarlardy quttyqtaımyn. Halyq saýlyǵy jolyndaǵy eńbekterińizge tabys tileımiz!»,-delingen habarlamada.