Sınoptıkterdiń boljamy.
«Qazgıdromet» RMK derekteri boıynsha, bıyl eginge qolaıly aýa raıy baıqalady, dep habarlaıdy Almaty-akshamy.kz Inbusiness.kz cilteme jasap.
«Barlyq astyq egetin aımaqtarda jaýyn-shashyn kútiledi. Sonymen qatar, ońtústik óńirlerde ylǵalmen qamtamasyz etý tapshylyǵy baıqalady. Osyǵan baılanysty ońtústik óńirlerdiń ákimderi sýmen qamtamasyz etý sharalaryn ýaqtyly qabyldaýy qajet. Mysaly, lımıtterdi saqtaý, túsindirý jumystaryn júrgizý kerek», - deıdi Aýyl sharýashylyǵy mınıstri Erbol Qarashókeev.
Mınıstrdiń aıtýynsha, ónimdilikti saqtaý men arttyrýdyń kelesi qadamy ósimdikterdi qorǵaý sharalary bolyp tabylady.
«Osyǵan baılanysty oblys ákimderinen aramshóp ósimdikteri men zıankesterine qarsy hımıalyq óńdeý júrgizýdi baqylaýǵa alýdy suraımyn», - degendi qosty mınıstr.