Daýyldy eskertý jasaldy.
Almaty qalasynyń Tótenshe jaǵdaılar departamenti qalada 31 mamyr men 2 maýsym aralyǵynda qatty jańbyr jaýady dep eskertti, dep habarlaıdy Almaty-akshamy.kz.
«Nóserli jaýyn-shashyn boljamyna baılanysty, 31 mamyr men 2 maýsym aralyǵynda Almatynyń taýly aımaqtarynda aǵyndy sýlardyń paıda bolýy jáne ózenderdegi sý deńgeıiniń kóterilýi kútiledi»,- delingen Almaty qalasynyń Tótenshe jaǵdaılar departamentiniń habarlamasynda.
Kishi jáne Úlken Almaty, Aqsaı, Qarǵaly baseınderindegi ózenderdegi «Kazselezashıta» baqylaý beketteriniń málimetinshe, jaǵdaı turaqty.
Sondaı-aq qala turǵyndaryna taýǵa barýdan bas tartýǵa keńes berildi.
«Qurmetti azamattar, qatty jaýyn-shashyn kezinde ǵımarattar men úı-jaılardan shyqpaýǵa tyrysyńyz! Mashınalardy aǵashtardyń astyna qaldyrmańyz! «112» eskertý sıgnaldaryn jáne buqaralyq aqparat quraldarynyń, teledıdardyń, radıonyń habarlamalaryn qadaǵalańyz!» - dep habarlady mamandar.