Jalpyhalyqtyq referendým «Jańa Qazaqstannyń» bastamasy retinde ótkiziletindikten, táýelsizdik jyldarynda dúnıege kelgen jastar úshin de, bizder úshin de alǵashqy bolmaq.
Osy joly Ata zańǵa ózgeristerdi halyq bolyp, óz taǵdyryn ózi sheship, memlekettiń keleshegin aıqyndaý úshin referendým arqyly ótkizgeli otyr.
Ata zańǵa ózgerister engizý arqyly «Jańa Qazaqstannyń» irgetasy qalanýdaǵy úlken istiń bastamasy desek te bolady.
Aldaǵy ýaqytta Parlament otyzǵa jýyq zańǵa túzetýler engizetin bolady. Bul ýaqytty talap etetin kúrdeli proses elimizdegi memlekettik basqarý júıesin jetildirýge, azamattyq qoǵamdy, jańa saıası mádenıetti qalyptastyrýǵa negiz bolmaq.
Konstıtýsıaǵa engiziletin ózgeris boıynsha ótetin referendýmdy stýdent qaýymǵa túsindirý jumystaryn ál-Farabı atyndaǵy QazUÝ geografıa, jerge ornalastyrý jáne kadastr kafedrasynyń profesor-oqytýshylary Ata zańǵa ózgerister engizý arqyly «Jańa Qazaqstannyń» irgetasyn qalaýda jastardyń alatyn roli erekshe ekenin onlaın jáne oflaın rejıminde túsindirýde.
Referendýmnyń roliniń mańyzdylyǵyn saıası sharaǵa túgel qatysyp, óz oılaryndaǵy máselerge tańdaýlaryn jasaý qajettigi týraly túsindirý jumystaryn júrgizýdemiz. Referendýmǵa qatysý quqyǵyna ıe 18 jasqa tolǵan stýdentter, jataqqanalarda turatyndar, magıstranttar oǵan qatysý úshin № 258 saılaý ýchaskesine tirkelgender bıologıa fakúltettiniń oqý ǵımaratyna baryp daýys beredi. Búgin jumysqa barǵanymda, №258 saılaý ýchaskesiniń komısıa músheleri barlyq daıyndyq jumystaryn támamdap qalypty. «Jańa Qazaqstandy» damytýǵa, kórkeıtýge, ózgeris engizetin bizdiń jastar. Alda talaı ózgeristerdiń bolýy referendým arqyly múmkin bolmaq. Al onyń sátti ótýi siz ben bizdiń tikeleı qatysýymyzǵa baılanysty. Konstıtýsıanyń kóp bóligine engiziletin ózgerister elimizdegi ár azamattyń ómirine áser etetini sózsiz.
Referendýmǵa túgel qatysyp, nemquraıdy qaramaı, «Jańa Qazaqstan» ózgeristerine úles qosady dep senim artamyz. Sol sebepti óz stýdentterimizdi 5 maýsymda ótetin referendýmǵa jańa ózgerister engizý úshin daýys berýge shaqyramyz.