Almatynyń jasyl jelegin bıologıalyq óńdeý jumysy bastaldy.
Qalanyń jasyl jelegin bıologıalyq óńdeý jumysyna paıdalanylatyn preparattyń ózindik ıisi bar, biraq adamdarǵa zıany joq. Bul týraly Jasyl ekonomıka basqarmasynan málim etti, dep habarlaıdy Almaty-akshamy.kz QazAqparatqa silteme jasap.
Basqarma málimetinshe, jasyl jelekti óndeý jumystary túngi ýaqytta júrgiziledi. Naqtyraq aıtsaq, saǵat 23:00 - 06:00 aralyǵynda. Sebebi kún sáýlesi dárilik zattyń zıankesterge áserin tómendetedi.
Óńdeýge Qazaqstan aýmaǵynda qoldanýǵa ruqsat etilgen qaýiptiliktiń tómengi sanatyndaǵy bıologıalyq preparat qoldanylady.
Usynylǵan aqparatqa súıensek, preparattyń ózindik ıisi bar. Degenmen qorshaǵan ortaǵa, adamdarǵa, úı janýarlary men ózge de tiri aǵzalarǵa esh zıany joq.
Birinshi kezeń jumystary qala boıynsha bir aı boıy júrgiziledi. Kelesi úsh kezeń maýsym, shilde, tamyz aılarynda ótkiziledi.
«Aýlalar, saıabaqtar men kóshe boıyndaǵy barlyq jasyl jelekti óńdeý josparlanǵan. Osy oraıda qala turǵyndary men qonaqtaryn túsinistik tanytyp, mamandardyń jumysyna kedergi keltirmeýdi suraımyz», - dep habarlady basqarmadan.