Almaty qalasy Bilim basqarmasynyń «Almaty daryny» daryndy balalar men talantty jastardy anyqtaý jóne qoldaý jónindegi ortalyǵy 2022 jyly bastaý alǵan Almaty qalasy Bilim basqarmasy №178 mamandandyrylǵan lıseıde «Qurmet» ordeniniń ıegeri, ulaǵatty ustaz, matematıka páni muǵalimi Ábdimájıt Qońyrbaıuly Ótesh atyndaǵy İİ matematıkalyq olımpıada mamandandyrylǵan bilim berý uıymdary arasynda ótti, dep habarlaıdy almaty-akshamy.kz.
Shara matematıka páni boıynsha oqýshylardyń qyzyǵýshylyǵyn qalyptastyrý, standartty emes oılaýdy damytý, oqýshylardy matematıkalyq uǵymdardy taldaýǵa, synı turǵyda oılaýǵa, kúrdeli esepterdi sheshýge daǵdylandyrý maqsatynda uıymdastyrylǵan bolatyn.
Bul is-shara jas matematıkterge óz qabiletterin kórsetýge jáne matematıka salasynda laıyqty tanylýǵa tamasha múmkindik berdi.
Olımpıadaǵa mamandandyrylǵan bilim berý mekemeleriniń 10-11 synyptarynan 43 oqýshy qatysyp, baqtaryn synap kórdi.
Sonymen bilim dodasynda biliktiligin kórsetken №165 mamandandyrylǵan lıseıdiń 11 synyp oqýshysy Levın Edýard, № 126 mamandandyrylǵan lıseı 10 synyp oqýshysy Sharhanov Jan İ dárejeli dıplommen marapattalyp, 70 000 teńge aqshalaı sertıfıkaty tabystaldy. Al mamandandyrylǵan «Bilim-ınnovasıa» lıseı-ınternatynyń 11 synyp oqýshysy Saılaý Erasyl, 10 synyp oqýshysy Temirlan Boranbaı, 10 synyp oqýshysy Erken Alımjan, №165 mamandandyrylǵan lıseıdiń 10 synyp oqýshysy Belyı Pavel ekinshi oryn tuǵyrynan kórinip, 40 000 teńge aqshalaı sertıfıkatpen marapattaldy.
Úshinshi orynǵa ıe bolǵan №90 mamandandyrylǵan lıseıdiń 11 synyp oqýshysy Kýpeldıev Alıbek, S.A.Hodjıkov atyndaǵy №39 mamandandyrylǵan lıseıdiń 10 synyp oqýshysy Orynbasar Aqjol, №165 mamandandyrylǵan lıseıdiń 10 synyp oqýshysy Ahmetov Jangır, №12 mamandandyrylǵan gımnazıanyń 10 synyp oqýshysy Sarsekeev Amırjan, №90 mamandandyrylǵan mektep-lıseıdiń 10 synyp oqýshysy Salamat Ábdirahman, №54 mamandandyrylǵan mektep-lıseıdiń 10 synyp oqýshysy Shın Tımýr 20 000 teńge aqshalaı sertıfıkat tabystaldy.
№178 mamandandyrylǵan lıseıdiń 10-11 synyp oqýshylaryna Á.Q.Ótesh atyndaǵy İİ matematıkalyq olımpıada konkýrstan tys uıymdastyryldy. Olımpıadaǵa qatysqan 12 oqýshynyń ishinen 11 synyp oqýshysy Kaısa Nýrıdın, 10 synyp oqýshysy Salemova İńkárdiń baǵy janyp birinshi oryndy ıemdenip, 70 000 teńgelik sertıfıkattyń ıesi atandy. Al 11 synyp oqýshysy Kalmýrzaev Nýrdaýlet pen 10 synyp oqýshysy Orynbaı Sabınaǵa İİ dárejeli dıplommen qatar 40 000 teńge aqshalaı sertıfıkat tabystaldy. Sonymen qatar, 11 synyp oqýshysy Tashkenbaı Ernar men 10 synyp oqýshysy Bımaǵanbet Gaýhar da ózderiniń osal emes ekendikterin dáleldedi. Degenmen olarǵa İİİ dárejeli dıplom jáne 20 000 teńge aqshalaı sertıfıkat buıyrdy.
